今個月中，大班記者喺地鐵站追訪馬唯中，戴住眼鏡嘅佢孭住布袋，似十足小學 Miss。《蘋果日報》圖片
出外埠
馬英九大女勁慳家女婿好 open
台灣總統馬英九長女馬唯中最近跟住美籍同鄉、喺摩根大通做資產管理嘅新婚老公蔡沛然搬嚟香港生活。嘩！見到「台灣第一千金」都同我哋啲小市民一樣逼地鐵，感覺親切過行出行入都有一群 G4跟住嘅「特首那一家」多多聲囉。媽咪姐仲發現馬大小姐盡得「台灣第一夫人」即係媽媽周美青嘅儉樸真傳，衣着品味低調，一件卡通公仔衞衣都着足幾年！好長情。
一衫多着
早前戴眼鏡嘅馬唯中，着住唐老鴨衞衣、孭住同一個布袋離開老公名下、市值約 800萬嘅中環萬翠花園屋企，準備搭小巴。《蘋果日報》圖片
對我女兒好一點呀！（設計對白）
幾年前，無戴眼鏡嘅馬大小姐，着住同一件衞衣，同媽媽周美青去球場出席公開活動，睇嚟佢對唐老鴨真係情有獨鍾！
女婿晒胸
「台灣第一女婿」蔡沛然，身高 6呎 3吋，爸爸蔡龍曾任台灣上市公司廣宇科技總經理，後移居美國開餅店，所以自細喺美國求學生活。
蔡沛然拍過 Levi’ s、 Gap同 Esprit等大牌嘅廣告，但亦會同雜誌影造型相，戴 Hello Kitty耳罩扮 cute都 no problem！
近年歐洲興起用亞洲人行天橋，蔡沛然（中）憑住高大身形，都幫 Armani行過 show，仲喺後台 high爆留影。
06年，啱啱哈佛畢業嘅蔡沛然，特登返台灣陪鍾情藝術嘅馬唯中睇「雲門舞集」表演，係呢對低調情侶難得嘅公開合照。台灣《壹週刊》圖片
全站熱搜
留言列表
