24/5密會新女李澤楷上周末同新歡梁芳約會，今次冇包場，亦冇保鑣跟身，相當平民。
滾熱辣
煙韌三小時 李澤楷新歡酒吧談心
47歲「小小超」李澤楷與 29歲執業大律師梁芳（ Ella）的緋聞傳了年半，近日他再被發現於白沙灣遊艇會和梁芳食 brunch嘆足五粒鐘，戀情開始浮面。
上周五（ 24日），本刊再發現李澤楷和梁芳在中環文華酒店的「 MO Bar」把酒談心。有顧客爆料，指兩人在酒吧甜蜜談情，又碰杯又搭膊。李澤楷更罕有地與梁芳玩二人世界，與他以往約女動輒包場、保鑣跟身大相逕庭。
MO Bar溝女飯 1千蚊有找
食飯食咗兩個多小時，梁芳一個人俏俏離開，飲咗酒嘅小小超就由司機送返屋企。
周五（ 24日）晚上九時多，李澤楷（ Richard）和梁芳（ Ella）到中環文華酒店的「 MO Bar」用膳。李澤楷一改往日的保密作風，冇包場、冇保鑣，只是坐在吧枱向住牆的較隱蔽位置。
有顧客爆料︰「當晚我 9點度已經見到李澤楷同女友喺度，佢哋坐喺吧枱，由於面向牆，所以冇乜人發現佢哋！個女人唔覺有食嘢，只係飲咗杯雞尾酒，至於李澤楷就食咗個漢堡包同飲咗杯啤酒。李澤楷當日心情似乎好靚，講嘢講到手舞足蹈，間中搭一搭女方膊頭，兩個仲碰杯㖭。」據知李澤楷嘅鬼馬表情，逗得梁芳笑逐顏開。
梁芳借尿遁
到凌晨時分，梁芳發現有記者，她和李澤楷耳語一番之後，便往廁所方向走去，只留下李澤楷一個飲酒。過了數分鐘之後，李澤楷突然結帳離開，原來梁芳已經「借尿遁」，而李澤楷亦由司機送回家。
近日，李澤楷和梁芳接二連三被傳媒撞破密會，可見男方的追求攻勢愈來愈積極，約會頻密。「前年（ 11年） Richard（李澤楷）被傳媒發現約會 Ella（梁芳），當時 Ella有個拍咗拖幾年嘅男朋友， Richard唔想俾人話係第三者，所以同 Ella做住朋友先，睇定啲先出招。直至上年， Ella同男友正式分手， Richard亦覺得時機成熟，咪密集式追 Ella囉。」
以往李澤楷和女友約會都做足保密功夫。去年李澤楷被本刊影到他在中環約會侍應出身的梁雯影，他包下餐廳全層，梁雯影更有保鑣護送離開。不過，近日他與梁芳約會時，卻比以往鬆懈，和以前保衞森嚴的約會場面相距甚遠。
11年 9月，李澤楷和梁芳首次被傳媒撞破約會。小小超先行閃人，梁芳就急召姑姐、名媛葉梁美蘭救駕。《 FACE》圖片 
我哋兩個二人世界幾好吖！（設計對白）
慳妹梁芳愛淘寶
「 Ella份人精打細算，平日買嘢都係實用行先， ZARA一件百零蚊嘅衫佢都會買，佢亦係淘寶網 fans，就算平日都係搭地鐵出入。所以最初見 Richard約食飯搞到又包場又保鑣咁大陣仗， Ella好唔慣，覺得好浪費，都同對方反映過。 Richard為咗投其所好，慢慢都少咗包場，亦讓保鑣離遠啲，等佢哋過二人世界。好似上周末去 MO Bar， Richard只係吩咐經理留起身邊一排座位，唔好俾其他客人。」
雖然相比升斗市民，喺大酒店食飯已經好豪，不過對小小超來說，一餐飯唔過千都算好慳。有情飲水飽，難怪佢慳住啃漢堡包都咁興奮啦！
請先 登入 以發表留言。