三年冇拍戲的張學友，要向女生借肚生仔。雖然只客串幾日，但戲分極重，尾段更會同女學生朱芷瑩有感情戲。
真面目
捱義氣 零片酬報恩 張學友借種生仔
自 10年拍完 TVB套賀歲片《 72家租客》後， 51歲張學友停了兩年冇接戲，直至去年尾突然「復出」，以男主角身份接拍小本製作港產片《一個複雜故事》。
由杜琪峯的銀河映像、安樂電影及香港電影發展基金合作投資的《一》片，獲政府泵水 3百多萬，並由演藝學院電影電視系碩士生周冠威做導演。雖然電影是 90分鐘長片，但據知在戲中飾演借種生仔富豪的學友，竟然肯零片酬義演！唔收錢做義工，睇嚟學友已經賺番當年蝕雷曼筆錢喎！
杜琪峯（右）有份出席《一》片去年 9月的開鏡儀式，但據知杜 sir只係投資者，冇份參與拍攝。《蘋果日報》圖片
將於 26日在香港國際電影節上映兩場的《一》片，雖然宣傳不多，但有張學友助陣兼題材另類，即使未有正式上畫日期，兩場的網上預售門票經已賣晒！
「利是都冇收」
學友在戲中飾演有錢佬，老婆暗中找到港漂（來港搵食的外地人）學生朱芷瑩借肚生仔，後來老婆又迫對方墮胎，最後被學友揭穿成件事，反而主動向朱芷瑩展開追求，又畀女方生 B，唔使做墮胎手術。
肯零片酬演出，學友話全因《一》片編劇兼監製舒琪當年一手帶自己入影圈， 86年學友擔正的《老娘夠騷》（與葉德嫻合演）便是由舒琪自編自導，所以今次開到聲一定要畀面。「當日係舒琪帶我由樂壇走入影壇，
請先 登入 以發表留言。