六十六歲寶珠姐同孔令琦（馬清鏗太太）關係密不可分，二人經常秤不離鉈出席朋友聚會。
同你吟一吟
陳寶珠繑密友遊街
上星期二（六月四日）下晝五點，《壹》仔經過灣仔星街，見到一班電影幕後人包括：美指奚仲文、服指吳里璐、阿姐阿哥御用化妝鈴姐文潤鈴等個個金像獎級人馬，約埋一齊喺茶檔歎茶。
過咗陣，再多兩個茶腳加入，陳寶珠同一齊九年嘅密友孔令琦繑住到。八個人坐低一齊吹，前前後後吹咗半粒鐘先埋單，之後寶珠姐同孔令琦離隊，兩個人又繑住，行咗去附近啲鋪頭睇衫。
寶珠姐出年一月、三月要同阿嗲梅雪詩做大戲，八珍第一個反應，莫非做開電影嘅奚仲文、吳里璐連粵劇都撈埋？點知二五話八珍諗多咗，當日純粹係茶聚，一班電影友約埋喺附近睇完樓，寶珠姐同孔令琦之後 join埋一齊，飲杯茶咁啫！
哦……
吳里璐行出嚟接寶珠姐，孔令琦識做行慢啲，入到茶檔，亦無黐住寶珠姐坐。 
散水！寶珠姐同各人抱別，孔令琦亦同奚仲文攬攬。
專登帶埋密友嚟同好朋友敍舊嘅寶珠姐，路經時裝店，忍唔住入去揀吓衫。 
撰文︰八珍
全站熱搜
留言列表
