着住短褲嘅金剛同老死喺小腿紋咗大大個紋身，媽咪姐離幾條街都見到。
媽咪姐
金剛麻甩本色
無綫《超級無敵獎門人》節目做足十年，近排再度添食，雖然一貫炒雜碎抄橋玩核突，不過勝在胡胡鬧鬧唔使用腦。結果唔使問，收視撼低晒所有黃金時段劇集，平均有成 27點咁高。
至於喺節目入面，俾獎門人志偉狂糟質嘅金剛，早排就俾人話去日本拍外景嗰陣，力追女神 Mandy Lieu。不過先唔講外形襯唔襯，早排媽咪姐見到金剛個麻甩樣，唔好話女神，普通女仔都未必接受到！
事緣媽咪姐前幾日行過銅鑼灣，見金剛同個朋友行街睇衫。二人同樣着短褲晒紋身，連食煙姿勢都合拍過人。不過邊行邊食煙已經神憎鬼厭，行行吓，金剛忽然𥄫到舖頭有個索 sales，睇得唔好嘥，仲嗌埋朋友一齊喪
金剛見到個紮馬尾嘅索 sales，唔單止回頭喪𥄫，仲叫埋肥仔一齊睇，果然係好兄弟。 
兩個麻甩佬邊行邊擔住枝煙，唔少途人行過都要揞住個鼻。唉！食煙就搵個位企定定食啦！ 
全站熱搜
留言列表
