博出位

喜慶事晒冷

近排發生太多唔開心嘅事,四川地震、波士頓恐怖襲擊,搞到大家心情 down晒,不過傷心事唔好屈太耐,唔係好易屈到病。近日眾星都收拾心情,繼續開心人生。四月份壽星女莊思敏就同 fans慶祝生日,熱鬧度過。王浩信同老婆陳自瑤就幫 1歲囡囡搞咗個生日會,一家三口幸福滿載。

禮物收到手軟

莊思敏每年都同 fans慶祝生日,氣氛好,又多禮物收嘛!雖然係嘈啲,但莊思敏 fans好有心思,除咗必備嘅生日蛋糕之外,仲將房間作特別布置,你睇壽星女幾滿足。

靚女祝福

王浩信、陳自瑤囡囡一歲啦,雖然仲未懂事,但阿爸阿媽就幫佢搞咗個生日會,熱鬧一番。喺《名媛望族》飾演王浩信三媽嘅江美儀仲祝「孫女」生日快樂,估唔到江美儀咁後生就做阿嫲。

自我許願

唔係個個明星都有大班人同自己慶祝生日,許廷鏗近排忙住做牙醫,惟有喺微博自我許願慶祝!最近有報道話佢為儲客,$400補一隻牙,仲樣樣嘢親力親為。鏗鏗咁忙,唔怪得冇時間慶祝生日啦!

絕種好老公

胡諾言同老婆陳琪結婚四周年,計埋拍拖嗰七年,嘩!兩個恩愛咗十一年,難得胡諾言仲 keep住咁錫老婆,又肯花心思同老婆慶祝結婚周年,抵讚!

演員破冰

32歲朱慧敏上年拍《愛.回家》時傳出擺阿姐款,意見多多得罪同劇成村人。不過上周一( 22日)成班同劇演員同朱慧敏慶祝生日,買埋生日蛋糕,睇嚟佢哋 friend番喎!

愛人同慶

喺有線娛樂台做主持起朵的陸浩明,最近簽咗無綫,準備大展拳腳。上周六( 27日)陸浩明上載生日照上微博,對住個「 I LOVE U」生日蛋糕,一定係愛人送啦,連以前舊同事余思敏老公鄭中基都有留言祝賀。

arrow
arrow
    全站熱搜

    tvb4life 發表在 痞客邦 留言(0) 人氣()