唉，等位慘過背稿呀！（設計對白）何守信等位等咗十分鐘，開始唔耐煩，一邊托頭，一邊𠵱𠵱哦哦！ 

媽咪姐

何守信好中氣

近年甚少露面嘅何守信，早輪出席活動嗰陣，大談喺 6月舉行嘅肥姐生忌紀念騷。不過佢一聽到陳淑芬喺張國榮十年紀念騷賺 2千萬，即時鬧爆︰「如果有人係為中飽私囊就好反對！佢自己一定會遺臭萬年。」老馬有火！

 


何守信口水多過茶，主導成餐飯，第一味餸嚟嗰陣，佢已經講到口乾，不停飲茶。 

早前，媽咪姐又喺樂富見到何守信。當晚佢同屋企人喺一間街坊京菜館食飯，全程中氣十足，完全唔似有 72歲！由等位到埋位食飯都講唔停，好似有佢講冇人講咁款，怨完等位等得耐，又話要揀呢樣食揀嗰樣食，好有主見，講足成餐飯。其實何 B仲咁 talk得，不如出番嚟做主持啦！

 


《蘋果日報》圖片 

何守信俾陳淑芬（左圖）指唔清楚事情之後，即時轉軚話︰「當日我確實唔係講佢，我只係針對事，冇針對人。」媽咪姐補一句啫，公道自在人心，講完。

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄