跑馬地揀樓42歲嘅洪欣，遠睇最多似三十頭，難怪可以搵到「八十後」內地演員張丹峰做老公。
媽咪姐
洪欣搵屋搬
上年尾，俾人喺港澳兩地貼晒相追 400萬「疊碼數」嘅洪欣，雖然大大聲話被追數嘅係佢老竇唔係佢，但景況就同陸詩韻未婚夫欠債，連帶陸亦俾人貼追債大字報一樣咁慘情！真係要避吓鋒頭至得。
早幾日，媽咪姐發現洪欣靜靜雞捐入跑馬地一間地產舖，同個經紀吟咗成大半個鐘至出番嚟！睇佢個樣，都唔係第一次，事關佢冇喺門口望一輪至入去，睇嚟已經揀定咗幾個心水好盤。唉，又難怪洪欣要搵屋搬嘅，仔細老公嫩呀！惹上啲大耳窿都咪話唔麻煩，嚇親個細路就唔好啦！
不過，依家樓價下挫，要賣樓套現真係要夾啱時間。要買咩？又好似未跌定咁。據知洪欣係想搵屋租住先，費事再俾大耳窿搵上門嘛！
下晝三點幾，街上無乜人，洪欣一個閃身入咗地產舖，好低調。 
洪欣同莫少聰生嘅仔張浩峰（前名莫鎬廉），今年都 14歲，讀緊中學，係要緊張啲。 
上年尾，中環至跑馬地嘅街上都貼咗指洪欣欠債嘅街招，見晒報。
全站熱搜
留言列表
