媽咪姐
周家蔚先減後追
啱啱生完小 TJ（洪大仁）無耐嘅洪太周家蔚，坐完月之後可能過補呀，身形脹咗唔少！不過，話咁快佢就影咗輯 sexy纖體相嘞。
周家蔚今次產後大解放，得到老公批准，佢仲大讚洪天明係好爸爸，唔單止肯做湊仔公，又唔介意老婆肥咗成個碼，「依家 fit咗，最受惠嘅當然我個仔啦！哈哈，咁天明都有份嘅。今年夏天我要盡情咁着 3點式，因為要俾人知我生完之後個肚無紋吖嘛！之後就會再努力造人，唔知會係馬仔定羊仔㗎，女仔就最好，我可以同佢一齊扮靚靚，當係答謝我老公對我咁好囉。」
呢個老婆仔又識搵錢又識諗，天明要再對人好啲嘞！
啱啱生完嘅周家蔚真係重到無人有，成 155磅，好彩洪天明無投訴，佢依家又收番身，仲話差 10磅就去到自己嘅理想體重㖭。 
周家蔚纖體後，上圍仲要無縮水喎，老公洪天明會唔會睇到眼金金呢？
全站熱搜
留言列表
