有靚女陪,熱啲都抵!(設計對白)幾十個椰青當作枕頭,仲要冚住大塊膠被十幾分鐘,又熱又焗。
媽咪姐
大馬直擊 陳茵媺陳展鵬大被同眠
呢單嘢,等朕 check吓先!(設計對白)
32歲嘅陳茵媺,着起背心短褲仔,好養眼吓。身邊啲工作人員又全部係麻甩佬,難怪陳豪早前飛過去大馬監場。
張大被好鬼重,要出動十幾個大漢幫雙陳冚被。
火辣一粒鐘冚完被嘅 Aimee熱到瞇晒眼,引死人喎。煎 pan頂得住無?
陪埋楊明夜消磨
其實豪嫂 Aimee有鬼妹仔性格、笑容又咁 sweet,真係大把異性爭住冧㗎!出發大馬外景前,媽咪姐先喺數碼港撞到佢同楊明拍外景。
嗰晚時值十一點,導演搞咗好耐唔知等咩,遲遲未埋到位。見悶悶哋,佢兩個就去咗「麥當當」食消夜。楊明對女仔果然好細心,出埋錢,仲做阿四,搵位兼拎嘢一腳踢!坐低開餐, Aimee食住雞翼,唔覺意使出兩吓電力,加啜手指,似乎有人冧暈咗咯!
Aimee同楊明傾到旁若無人,冧滋滋咁甜笑,唔講以為係拖友呀!
食到興起,楊明仲挨向 Aimee攞薯條食㖭,關係實在好親密吓。唔知陳豪見到,會唔會呷醋呢?
等埋位, Aimee同楊明喺外景車上又密斟,豪嫂傾到嘴嘟嘟成條金魚咁,鬼死咁 cute。
全站熱搜
留言列表