50歲再做老竇連日陪住老婆嘅羅嘉良，鬚都唔得閒剃，但就好識做抱 B女俾記者影靚相交差，果然係撈家！錫老婆會發達㗎！（設計對白） 

媽咪姐

羅嘉良老婆深圳坐富貴月

恭喜！恭喜！撈家（羅嘉良）嘅第二任太太蘇岩喺上周四（ 18日）生咗嗰女，重七磅四安士，改咗英文名叫 Sela，係希伯來文。媽咪姐知道本周一（ 22日），撈家太太已經出院，仲去咗深圳坐月。點解去到深圳坐月咁遠？大家有所不知嘞，原來深圳有多間專門提供坐月服務嘅豪華會所，平均消費由最低嘅 4萬幾人仔，去到最貴嘅 40幾萬人仔一個月，呢啲會所提供全天候廿四小時服務，護士分三更制照顧 BB同媽咪，環境仲好唔錯㖭。

 

媽咪姐仲知道，羅嘉良喺香港已經無物業，所以送太太去深圳坐月，方便之餘，家人亦可以隨時去探 BB。遲啲撈家會返香港幫囡囡拎出世紙，待老婆坐月後，一家三口先返上北京生活。


老公，錫晒你！（設計對白）蘇岩產前個肚真係籮咁大，所以囡囡都 7磅幾，壯呀。 

超豪坐月會所 

深圳有成 10間豪華坐月會所，最豪嗰間叫「愛帝宮」，收 40幾萬一個月，坐享園林實景，又有公主套房，媽媽仲可以做 facial㖭，勁！

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄