店內開放式廚房,見到師傅即場製作,如果有多幾個企位更好。 

庶民飯堂

外賣都要食餐好

連鎖快餐店經常悄悄加價,分量愈縮愈細細到唔想再幫襯。太子新開的輕食烘焙外賣店 Bake&Bite,似港版 Oliver's,價錢卻平易近人得多。負責人 Daniel稱:「香港人成日忙到冇時間食飯,要買外賣,但外賣也可以講究質素,我哋選用了不少意大利食材,為了方便客人邊行邊食,三文治包裝簡便,熱湯用杯盛載,招牌的一口小食亦做到 bite size,唔使食得咁狼狽。」

 

Daniel見附近學生多,深知後生仔鍾意香口食物,店子主打即叫即製的意大利三文治 Panini,麵包做得特別香脆,標榜一個鐘後仍然脆身。 Panini套餐連飲品有五款餡料,平均$32一份,豪一點,可以加$5食澳洲和牛,牛味濃亦有油香,新奇餡料仲有帶日式風味的煙熏鯖魚。另一款主打流心芝士夾餅,都是即叫即焗,可自選意式香草包、蒜茸包及黑糖粿麥包,芝士又可以揀瑞士 Emmental芝士、車打芝士及蒙特利芝士,餡料有 Salami、意式煙肉、鵝肝腸等六款選擇。咖啡選用 Movenpick咖啡豆,濃郁帶甘,最適合下午用來叉叉電。怕唔飽?仲有薄餅、意粉、沙律、甜品,全部套餐連飲品四十蚊有找,好過再縱容老麥加價啦。


日式和牛意大利三文治套餐$37澳洲和牛粒厚切,配上日式燒汁、青瓜、番茄、生菜等,牛肉算足料,有柯打先煎香放入包內。 

一口脆酥$4/件,$15/5件有芝士、蘑菇、雞肉、牛肉及三文魚,全部在店內不停焗製,酥皮鬆化,一口一件唔會食到成身酥皮碎。 

香蒜煙鴨胸紅腰豆意粉套餐$36意粉及餐湯款式不時轉換,分量唔算多,除番茄濃湯外,黑松露蘑菇湯亦很好賣,菌香濃郁。

香脆流心芝士夾餅套餐$28瑞士大孔芝士即 Emmental芝士,口感最煙韌有拉絲效果,配辣肉腸及香草包最夾。 

Bake&Bite

地址:太子彌敦道 783號地下
電話: 2390 2883 營業時間: 8am-8:30pm


撰文:張頌婷
攝影:譚旭堯

arrow
arrow
    全站熱搜

    tvb4life 發表在 痞客邦 留言(0) 人氣()