Gary主力發展外賣膳食生意,嚟緊 4月 8日港交所推出期貨夜市,為吸納呢班夜晚工作嘅金融職員,需要增聘夜間司機,及同多啲開得比較夜嘅餐廳合作。 

職場起底組

Follow up 膳食速遞公司 盈利升 1倍 iDelivery尚膳送

12年《創業通》訪問過開設 iDelivery膳食速遞公司老闆 Gary,當時佢哋同唔同餐廳合作,幫佢哋送外賣畀客人,從中拆賬。事隔短短 1年,合作餐廳由 15間增至 45間,並增設公關小組專攻公司團體客,令生意額穩步上升,𠵱家盈利足足提升咗 1倍,月賺 12萬。

 

近年 iDelivery發展迅速,雖然送外賣地區仲係只限喺港島北嘅灣仔、上環、半山及北角等地,版圖冇明顯擴大,但喺上年 10月老闆 Gary收購咗外賣速遞公司 MEALS-ON-WHEELS,令合作餐廳由原本嘅 15間升至 45間,種類包括日本料理、中菜、印度及意大利菜等,當中包括米芝連餐廳大平伙及唯一軒,「畀客人有更多嘅選擇,公司規模大咗,亦令到更多人認識我哋。」
本身 iDelivery主攻 office白領及中產家庭散客,但𠵱家公司團體 order愈嚟愈多,「最初投放喺散客同公司團體客嘅資源差唔多,但由於散客分布得比較散,如果增長得太快,要請好多司機先應付到;但公司團體客就比較集中,每張單嘅款額較大,最少都有$1,500,所以主攻公司團體客,反而可以減低個營運成本。」

請 PR攻公司團體客

為咗吸納更多公司團體客, Gary特別成立咗公關團隊,招聘有經驗嘅 PR加入,增加滲透率,「貪佢哋熟悉公司嘅運作模式,最緊要識點同公司客打交道,好似預先知道有咩活動或者會議,例如有中國商家嚟佢哋公司開會,我哋可以推薦唔同嘅中菜畀佢哋。」
對於未來發展, Gary已經作好計劃,「喺 4月 8日港交所推出期貨夜市,到時多咗一班需要夜晚工作嘅金融職員,我哋會針對性作出部署,好似增聘夜間司機,同啲開得比較夜嘅餐廳合作,希望爭取埋呢批客源,打算喺 7月推出埋 iOS同 Android嘅外賣 apps,方便客人。」

iDelivery尚膳送
2545 6777
http://www.idelivery.com 


每逢有新餐廳合作, Gary都會先試食,確保有一定水準。 

𠵱家合作餐廳增至 45間,好似專食川菜嘅米芝連餐廳大平伙係其中之一。 

PROFILE

打工達人,白羊座,性格外向,天生八卦愛吹水,相識滿天下,目標做盡 72行,成日捐窿捐罅搵有乜好工跳槽,刮盡各行筍料秘聞。


撰文:打工達人
攝影:葉偉豪
部分圖片由被訪者提供

arrow
arrow
    全站熱搜

    tvb4life 發表在 痞客邦 留言(0) 人氣()