假髮版 Iron PatriotMotorized Patriot個樣似足美國總統華盛頓，背面插住支星條旗。

漫遊毒物

老翻鐵甲鐵甲愛國者　《 Bioshock Infinite》

於《 Ironman 3》入面，東尼哥為對付新奸角滿大人，出動 30幾套最高科技戰甲；而戰神 War Machine亦換上一身 USA紅白藍戰甲，改名做 Iron Patriot（鐵甲愛國者），成個夢幻隊籃球員咁款，齊齊保護大美國！
喺呢款花 2億美元炮製的新遊戲《 Bioshock Infinite》中，玩家一樣要保護懷舊科幻版大美國，殺入 18世紀奇幻天空之城哥倫比亞，跟老翻版鐵甲奇俠連場大戰，故事中仲會玩轉共產主義、超能力、量子科學、時空交錯，難怪喺美國狂拎 80個網上大細獎項！

Iron Patriot大佬你抄我美國 look，就唔好做壞人啦！

變種特工槍戰

故事講主角 Booker DeWitt受僱去天空之城哥倫比亞救一個美少女 Elizabeth，風格係屬於 retro future懷舊科幻類型，個世界睇落似係 18世紀大美國，但故事卻非常科幻。打法上佢比一般 FPS豐富，除基本開槍，主角左手可使用多種超能力，比如用念動力轟飛對手、搶走槍支、放電，記者問起「爆頭女槍王」 Kail，佢一樣好欣賞《 Bioshock Infinite》單機 mode：「𠵱家好多廠都係投資搞 mulit-play模式，但 2K games就花 2億去造一隻冇上網元素、以故事取勝嘅 FPS遊戲，要支持！」

Elizabeth（右）會一路用協力同伴身份，帶主角 Booker認識遊戲世界。佢並唔會參加戰鬥，但會幫手補彈藥、搵 save point，遊戲中段佢被壞人捉走，其真正身份包你估唔到！

故事入面有超能力嘅存在，好似主角就用右手開槍，左手可放電殺人。

更恐怖嘅招式係召喚烏鴉群嚟咬人，佢哋一邊咬，你又一路開槍，好血腥。

亦有呢類解謎小遊戲，圖中係按指示敲響銅鈴，由於時代背景跟一般 FPS大異，玩起來特別起勁。

邪版鐵甲奇俠

遊戲中 Elizabeth可以製造時空裂隙，帶主角穿梭於不同時空，戰場雖然係圍繞住天空之城，但將會出現唔同時空，比如會返去 1893年，睇吓天才科學家 Zachary Comstock為乜要興建呢座天空城。你仲會被大量機械怪物追殺，好似「巨臂擲狂」（ Handyman）同「機動愛國者」（ Motorized Patriot），後者成個美國總統華盛頓咁款，全身 USA紅白藍顏色，似足新一集《鐵甲奇俠》入面隻 Iron Patriot，但佢真正身份其實係追殺主角嘅冷血機械人，成件事好發惡夢，將啲奇幻同恐怖嘢 fusion埋一齊咁，令你好想盡快爆機，了解吓故事究竟講乜！

肥佬版 IronmanHandyman就係一隻裝甲巨漢，心口個圓形又係勁似 Ironman。

Ironman我心口有圓點，你又有圓點，抄橋！(設計對白)