嶺大市場學 Yr.1 Vanessa（曾芷程） 

U花 U草

嶺大女不要驚動愛情　 Vanessa曾芷程

少女情竇初開，個個追求愛情小說中童話戀愛，公主配王子理所當然。
現就讀嶺南大學市場學 Yr.1的曾芷程（ Vanessa），年少時整個書櫃都是愛情小說，同樣追求童話。但現在卻一切事業至上，為爭取經驗試過免費為 marketing公司度橋，幫渣打、啤酒品牌 Stella Artois等搞 event，零蚊都肯做，全因她曾被男友狠飛，愛情夢幻滅。「邊有咁多童話，都係靠自己穩陣！」

 


失戀暴瘦 20磅中六失戀前 Vanessa體重有 120幾磅，不過情傷後暴瘦 20磅，亦改變了她的愛情觀，其實在記者眼中因禍得福，全靠失戀變靚晒。 

十七歲便做 part-time model的 Vanessa，並沒留戀 model風光，反而希望做個成功的活動搞手。她之前為一間 event marketing公司做 model，之後趁機自薦。「我一開頭主動話幫佢哋搵 model，搵咗 3、 4次見佢哋都好滿意，之後我就話其實我都係主修 marketing，希望真係可以落手落腳幫手度橋，就算唔收錢都願意。」

渣打出信表揚


168cm的 Vanessa擁有一對長腿，屬 model材料，不過她卻向記者說：「腳長做 marketing好有利，跑去見客都快啲啦！」 

半隻腳踏了入行， Vanessa勝在有新思維、反傳統反而得到賞識。「之前試過幫渣打銀行搞個按揭宣傳活動，有同事話想請幾個靚女 model幫手，但我自己都係 model，知道請靚女 model只會吸引到一班龍友圍住你影，根本宣傳唔到產品。所以我就反建議用一班男仔揹住一個高過人的宣傳牌，在銅鑼灣鬧市游走，最後吸引到好多途人注意，渣打仲寫咗封信答謝我哋。之後 marketing公司都好信我，畀我跟其他全職同事幫一啲啤酒、紅酒、車嘅品牌搞活動，就算唔收錢都冇咩所謂，至少將來見工我有 CV（履歷）畀人睇！」

 


在 marketing公司工作沒有薪金， Vanessa坦言毫不介意，「為賺履歷唔收錢其實已經賺凸，加上仲可以識到大班朋友。」後生女肯蝕底。 

事業方向正確， Vanessa正因在愛情路上狠狠跌過，先明白凡事要靠自己。「我以前好鍾意睇愛情小說，尤其係鄭梓靈（愛情小說作家）嘅書。我以為只要小鳥依人、千依百順，就一定可以修成正果。點知我之前就俾我嘅好朋友出賣、講我壞話，最後仲搶埋我男朋友。」夢想幻滅，更令 Vanessa身心受創。「我嗰時成日唔返學唔見人，嘢都唔想食，一日連一件三文治都食唔到，足足瘦咗 20磅。但最後我俾啲朋友鬧醒，事業一樣好緊要。其實邊有咁多童話，都係靠自己穩陣！」邊個話戀愛一定大過天！


撰文：譚家昌
攝影：范仲良
化妝： Berry Kwan@Bridal Corner
髮型： Polun Tam@Bridal Corner
形象： Bryan@the Flaming
服裝： Bershka
場地： XD cafe

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄