《紳士的品格》《紳》劇無綫劇集台都播過，郭晉安同張東健嘅角色，都係好多女埋身，但又唔願意花錢同投放真感情喺女人身上，不過 FBI覺得張東健靚仔好多喎！ 

FBI

TVB抄完美劇　抄大熱韓劇

TVB啲劇成日俾網民話冇新意，好似《仁心解碼Ⅱ》嘅梁烈唯同陳國邦，上集都分別演精神病人，但今次「康復」成為醫生，簡直精神分裂。

 

嚟緊播嘅《熟男有惑》（前名《法網囂雄》），又被網友發現似足上年喺韓國收視高開，最高收視超過 24點嘅人氣韓劇《紳士的品格》。郭晉安飾演事業有成、但單身主義筍盤，十足《紳士的品格》內嘅張東健咁，只係張東健係建築師，而安仔就係律師；而李思捷就飾演癡心男，同《紳》劇內嘅金秀路一樣。至於劇情，兩套劇都係講述 4個有錢有地位嘅男人中年危機，抄完美劇抄韓劇， TVB醒咗㗎喇！


《熟男有惑》 

《紳士的品格》 

《熟男有惑》劇中李思捷同李詩韻飾演兩公婆，同韓劇唔同嘅係，金秀路就同尹世雅飾演情侶，但二人同樣對另一半好癡心。

《紳士的品格》港版中年 F4有郭晉安、李思捷、單立文同曹永廉；而韓版就有張東健、金秀路、金旻鍾同李鐘赫，雖然卡士唔及韓版，但港版勝在角色有新意，唔再係王浩信同蕭正楠。 

《熟男有惑》 

撰文、攝影： FBI

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄