50歲錢小豪自 92年拍完《新殭屍先生》後,有 21年未拍過殭屍片,而一向潮開嘅 Juno就繼續做至型導演,今次亦是二人繼《復仇者之死》後第二次合作。 

真面目

唔怕蝕  Cult片自 high 麥浚龍 1,500萬凶宅藏 3屍

Juno麥浚龍一向有鋪 cult片癮,繼自資拍《復仇者之戀》及《保衞戰隊之出動喇!朋友!》後,上年原來靜靜雞拍咗套 cult片《殭屍》, Juno更自資 1,500萬捧自己做導演,不假手於人完全自我滿足。
最難得係 Juno今次唔出鏡,主角搵嚟 80年代殭屍片台柱錢小豪孭飛,再加公屋三屍命案兼大量血腥殺人,令人諗起近月連環倫常命案。想喺內地上映冇可能,不過 Juno今次超有信心,話已經有四家歐美片商睇中,封定蝕本門喎。

 

雖然之前兩套自資電影全仆,但仍無損 Juno的電影熱血,上年他為慶祝自己出道 10年,不惜一擲 1,500萬自資做導演,由於 Juno細個喺加拿大長大,日日港產片撈飯,其中更特別情迷 80年代殭屍片,所以新片《殭屍》亦搵咗當年靠打殭屍出位的錢小豪擔正,加埋吳耀漢、鮑起靜和盧海鵬等老牌甘草,完全港式口味。


85年《殭屍先生》系列都係 Juno至愛, Juno特別鍾意林正英和許冠英,可惜兩位先後離世,未能合作,惟有找來錢小豪。 


被殺孖女出現公屋走廊,有當年《閃靈》影子,睇落都心寒! 

Juno一向鍾意喪屍片及血腥 cult片,拍攝血腥場面,亦諗頭多多,親自教導演員拍攝割頸場面。 

過百萬搭景

《殭屍》故事講主角錢小豪為紅極一時紅星,但後來生活潦倒,最後要住喺曾發生三屍命案的凶宅公屋生活,更被鬼魂同殭屍搞。由於該片大量主景發生在公屋,原先想去公屋實景拍攝,但因《殭》片內容太血腥,未獲房屋署批准。不過 Juno有錢好辦事,實景行唔通, Juno亦不惜花過百萬喺清水灣片廠搭建公屋廠景,一樣拍到。
至於演員配搭 old school, Juno表示專登唔搵大明星:「其實可以請大星拍,郭富城呀等等都得嘅,但呢班 80年代嘅 artist先係最難得。所以我搵佢哋。」 Juno新戲玩殭屍又血腥,預咗冇得喺大陸上映,好在歐美對呢類港式殭屍片情有獨鍾, Juno有信心說:「之前舉行嘅 HK FILMART(香港影視博覽),已有 4間歐美片商話有興趣做發行,應該可以唔使蝕啦!」 Juno都變港產 cult王呀!


全屋血《殭屍》主景 3屍命案公屋,幾乎搞到成屋血,講真,房署點會批准拍呀?都係搭景搞掂快手好多。 

甘草癲喪盧海鵬喺戲中飾演癲喪嘅看更,而惠英紅就扮唔返得屋企嘅儍婆。 

陳友捉鬼陳友飾演捉鬼天師,佢係首次做捉鬼角色。 

戲中錢小豪由頭到尾都被人蹧躓,企喺錢小豪身後嘅鍾發,為林正英同門師兄弟,當年亦擔任多套殭屍片武指。 

出心出力

Juno今次《殭屍》玩血腥,其實喺 10年第一部投資作品《復仇者之死》已有孕婦剖腹場面,之後 11年拍嘅《保衞戰隊之出動喇!朋友!》就玩卡通人物,雖然兩套加埋票房只得 110萬,但無損 Juno拍戲鬥志。


'10《復仇者之死》《復仇者之死》為 Juno首度創作嘅電影,仲請嚟日本 AV女神蒼井空做女主角,當中一幕蒼井空更露三點。收 80萬 

'11《保衞戰隊之出動喇!朋友!》Juno喺戲中除咗做演員,仲做埋製片,題材相當卡通化,不過就全冇血腥場面。收 30萬 

採訪、撰文:娛樂組

arrow
arrow
    全站熱搜

    tvb4life 發表在 痞客邦 留言(0) 人氣()