博出位
Chok到爆
Chok並唔係林峯專利，近排不少明星都喺網上鬥 chok。威水嘅，好似 Eason、柯震東、周麗淇，有好嘢自然要 chok嚟威吓；而藝高人膽大嘅王菲同黃偉文，就算一頭散髮同睡眼惺忪，一樣照 chok。
王菲早前放咗張舊相上微博，仲呻自己老咗。不過睇番佢 30年前個樣（圖）同依家都係差唔多， keep得好好！
王菲在微博上載了一張剛瞓醒起牀的照片，更笑說呢個頭咁鬆，好多主持要吹好耐至有呢個效果。
成日飛嚟飛去嘅 Wyman，上周五（ 22日）飛北京搵朋友，點知佢去到機場至知自己冇帶證件，於是叫朋友唔使等佢食飯，又笑自己係「處男笨」。
陳奕迅又加場鳥
Eason喺 7月再開演唱會，入場券火速售罄。近日他第三度加場至 23場，成為自 05年以來在紅館開騷最多場數的男歌手，難怪佢笑到見牙唔見眼啦。
柯震東肉搏鱷魚
柯震東去咗美國放假，佢喺環球片場先俾科學怪人「襲擊」，再喺侏羅紀公園遇恐龍。之後佢仲同假鱷魚「埋身肉搏」，唔知同佢揸機嘅女友蕭亞軒有冇笑到收唔到口？
周麗淇檸水豐胸
周麗淇跑步 keep fit唔奇，呢張相 chok嘅地方，係向來身材平平嘅佢，運動後都谷到一條事業線出嚟。唔通檬檸水都可以豐胸？
全站熱搜
留言列表
