娛聞樂
香香苟姑娘胸埋身 鍾嘉欣噴血三點式反擊
無綫新劇行重口味,新晉姐仔岑麗香、苟芸慧新鮮又肯露,極速上位,廣告及商場騷接到手軟。而年齡相若兼同是「華裔小姐」出身的鍾嘉欣,今年卻步入樽頸位。
宅男女神鍾嘉欣,眼見香香及苟姑娘來勢「胸胸」,亦不敢怠慢,為保住纖體廣告,一改錫身作風。連續第三年做代言人的她,今年索性裸命搏,罕有拍下噴血三點式肉照。談到遭兩位師妹威脅,鍾嘉欣避重就輕話:「唔介意比較!」

29歲的鍾嘉欣, 04年入行後以乖乖女形象企穩一線,去年收視最高的劇集《護花危情》,亦由她擔正女主角。多年來,鍾嘉欣一直聽教聽話,不過因為錫身,劇集角色亦欠話題,未能令事業突破。加上近年香香及苟姑娘忽然爆紅,鍾嘉欣「宅男女神」地位難免受威脅。
「 Linda(鍾嘉欣) 06年開始,連續七年打入視后五強,但最後莫講話視后,連最喜愛女角色都冇份,最叻都只係攞過 06年飛躍進步女藝員。 Linda都呻過事業陷入樽頸位。今年拍纖體廣告時,廣告商要求佢有所突破着三點式,仲話香香都肯三點式拍廣告, Linda思想掙扎咗幾日,最終都應承。」嘉欣密友說。
其實鍾嘉欣今年只有《巨輪》一套劇,另一套《飛虎 II》仍未拍攝,睇怕劇集推出最快要年尾,所以鍾嘉欣亦需要借纖體公司廣告攻勢,為自己催谷人氣。

2012年晒心口
去年鍾嘉欣終於解放心口同小蠻腰,不過論養眼度,仍然比不上今年。

2011年露長腿
鍾嘉欣仍死守心口,只肯露出長腿。不過當時已經令唔少宅男睇到嘩嘩聲。

身材我好啲!
(設計對白)

我後生啲!
(設計對白)
借狗傳愛意
白色情人節( 14日),鍾嘉欣與伍允龍分別在微博大晒狗仔相。鍾嘉欣發放一張小狗將睡的相片祝大家發個甜夢,而伍允龍就大晒與小狗合照,仲話小狗在身邊所以心情很好,似乎兩人都將對方幻化成愛犬,然後透過微博甜蜜傳情, sweet爆!

滑溜玉背
鍾嘉欣身材高䠷,打出白滑玉背固然養眼,而短裙仔掩不住股惑,更是畫龍點睛。

伍允龍

鍾嘉欣
男友支持
鍾嘉欣的年紀與苟芸慧及岑麗香相若,面對兩位師妹的冒起,她甚自信說:「我哋三個都喺溫哥華長大,而且又係基督徒,同聲同氣。我又唔介意比較,只係做好自己就得。」
至於一向頗錫身的鍾嘉欣,噴血三點式令人眼前一亮,她亦一早向男友伍允龍報定案。鍾嘉欣說:「家人梗係冇反對啦,佢哋明白係工作嘅一部分。(男友伍允龍呢?)總之朋友都支持同明白啦!其實之前都着過三點式,只係今次條褲比較短。我一開劇就會瘦,早排拍完《巨輪》後休息咗一個禮拜,我特登去做吓機令皮膚 firm啲,再減多兩、三磅至拍廣告相,想出來效果靚啲。」男友對鍾嘉欣咁放心,可見兩人的感情愈來愈穩定!

《護花危情》成為去年最高收視的劇集,可惜未能為女主角鍾嘉欣帶來任何獎項。

鍾嘉欣在微博晒廚藝整曲奇,有個煮得又睇得嘅女友,伍允龍真係幸福。
鍾嘉欣贏身價

並非波濤洶湧的鍾嘉欣,勝在高䠷及骨肉勻稱,性感得來健康。

雖然鍾嘉欣 04年出道,不過論年紀原來 7月生日嘅苟芸慧大佢差不多一年。論身材,苟姑娘同香香都勁過鍾嘉欣,不過嘉欣 BB出騷價仍然力壓兩位師妹,始終她近年拍套套劇都係「女一」,地位有別。
鍾嘉欣
年齡: 29歲
三圍: 33B-24-34
身高: 5呎 8吋 贏
騷價: 7萬 贏
收視往績:
《缺宅男女》  29點
《當旺爸爸》  31點
《耀舞長安》  30點
《護花危情》  32點
《幸福摩天輪》  26點
未播劇集:
《飛虎 II》、《巨輪》
緋聞男友:林峯、伍允龍

《當旺爸爸》贏數目

《巨輪》
岑麗香
年齡: 28歲 贏
三圍: 33C-23-33.5
身高: 5呎 4吋
騷價: 5萬
收視往績:
《巴不得媽媽》  30點
《大太監》  31點
《老表,你好嘢!》  30點
未播劇集:
《衝上雲霄 II》、《 On Call 36小時 II》、《神槍狙擊 2013》
緋聞男友:錢嘉樂、馬國明

 

《巴不得媽媽》贏收視

《神槍狙擊 2013》贏
苟芸慧
年齡: 29歲
三圍: 34C-24.5-34.5 贏
身高: 5呎 7吋
騷價: 5萬
收視往績:
《飛虎》  29點
《怒火街頭 2》  29.5點
《法網狙擊》  28點
未播劇集:
《仁心解碼 II》(播映中)、《金枝慾孽 2》、《情逆三世緣》
緋聞男友:羅天宇、鄭嘉穎、郭富城

《怒火街頭 2》

《情逆三世緣》贏

撰文:娛樂組
攝影:攝影組

arrow
arrow
    全站熱搜

    tvb4life 發表在 痞客邦 留言(0) 人氣()