返屋企先啦老婆！（設計對白）
同你吟一吟
洪天明周家蔚趕造人
上個禮拜三（三月十三日）晚，英皇响灣仔會展舉行春茗，公司歌手藝人到齊外，仲有唔少來賓到賀，當中最特別嘅，要算阿嬌嘅韓籍男友 Tyler Kwon。
男友終於現真身，阿嬌話老闆楊受成御准拍拖，而且 Tyler响韓國搞娛樂事業，日後仲會同英皇有好多合作大計。唔怪之得阿嬌可以高調談情，一姐容祖兒反而要半夜三更去「龍屋」搵劉浩龍啦！
阿嬌攞正牌拍拖，直頭結埋婚生埋仔嘅洪天明，當日單拖去春茗，之後周家蔚自到 after party一齊玩。
唔使湊仔仔 TJ，兩公婆不醉無歸，平日斯斯文文嘅周家蔚，兩杯落肚攬實老公嘴完又嘴，上到的士仲成個身挨埋老公度再嘴。之前周家蔚講過，希望年尾可以再大肚生個女，如果又係仔，都一定要追到女先收工。飲大兩杯就咁熱情，要再搞出人命，冇難度啦。
去 party，洪天明通常會醉到不省人事，點知今次行唔到直線嘅係未修肚修身嘅周家蔚。
周家蔚熱情攬實老公嘴住行，上到的士仲狼，錫完嘴再錫頸，好心急喎！
低胸阿嬌攞正牌拍拖，但春茗當晚就同 Tyler（左三）前後腳，由英皇高層吳雨代勞招呼男友。
最近英皇歌手喜事特別多，林峯承認同千語 BB蜜運，一姐 Joey情歸劉浩龍，春茗當晚眾歌手大合照，古巨基鬼鬼馬馬埋去同林峯 Joey握手，搞到佢兩個笑到好尷尬。
撰文：八珍
全站熱搜
留言列表
