同你吟一吟
苟姑娘唔識腿張開
由李克勤做主持嘅遊戲節目《決戰一分鐘》,上個禮拜二(三月十二日)晚繼續進行藝人特別版錄映,今次由苟芸慧拍梁烈唯一組挑戰一百萬獎金。
當唯唯話如果去到一百萬,苟姑娘會著三點式,對方即刻扮到好有信心話:「一定得嘅!」講就天下無敵,苟姑娘除咗玩「扭扭擰擰」遊戲,以破紀錄時間八秒將所有乒乓波搖出箍响腰後面個箱,其他遊戲都好唔掂。
講到玩,都係唯唯耍家!尤其係玩「袋袋平安」,雙腳擘到幾乎一字馬,用口不用手响地面咬起個紙袋,苟姑娘見到,又話要試。
傳聞係「無綫四大處女」之一,苟姑娘果然連擘髀都擘唔開,最後只係勉強完成任務,之後佢再示範腳擺頭頂晒軟骨功,哎呀!小心穿呀……條褲浪!
全站熱搜
留言列表