同你吟一吟
黎耀祥阻街惹投訴
有黎耀祥、陳豪雙視帝孭飛嘅無綫劇《傳愛事務所》早排喺灣仔莊士敦道拍外景，晚飯時間，人來人往，黎耀祥同伍詠薇拖住手行嘅簡單鏡頭，都因為路人多不停 NG，甚至有外籍人士故意喺演員身後舉高雙手叫囂入鏡，要黎耀祥停落嚟同佢握手傾咗幾句至肯行開。
拍拍吓，又有人報警投訴劇組阻街！於是又再停機，等工作人員同奉召到場了解情況嘅警員解畫。路人變路障，嚟多 take，終於收工！一早喺附近等伍詠薇嘅練海棠，第一時間叫司機開車過嚟，接走老婆大人。
外籍男子入鏡搞搞震，無端端 NG，視帝祥唔嬲仲同對方握吓手，發揮好客之道。
俾人投訴阻街，警員到場干涉，工作人員唯有停機同兩位師兄師姐十五二十。
全站熱搜
留言列表
