U花 U草
理大 IT女 貼錢做 now娛記
《心路 GPS》的黃翠如擔正，成功擊敗嘉欣 BB、法拉 BB，成為新一代高登女神，粉絲爭貼她當年在有線娛樂新聞台的娛記相及片段。
就讀理大互聯網及多媒體資訊科技 Yr. 3的黃合秀（ Season），現亦於 now觀星台當娛樂記者，曾經被她訪問過的紅星有地上最強甄子丹、古巨基、曾志偉等，令不少人羨慕，但 Season卻透露她冇人工之餘兼曾被杜汶澤寸。難得 Season毫不介意，「最緊要學到嘢，呢啲經驗令我呢個天水圍妹大開眼界！」
冇時停的 Season（左二），在校內參加好多活動，斯斯文文的她亦是宿舍的排球代表，睇唔出！
性格跳跳紮的 Season，入到理大就超活躍，參加了不同學會活動，結果去年給 now101台邀請上年青人節目《 18/22》（形式近似台灣綜藝節目《大學生了沒》）做嘉賓主持，「節目要我不時表達自己對社會生活見解，導演見我講嘢 ok，就介紹我去觀星台做娛樂記者！雖然沒有人工，但我都好努力熟讀娛樂新聞，最緊要學到嘢，呢啲經驗令我呢個天水圍妹大開眼界！」
霆鋒請食檸檬
做得娛記，難免要向藝人問尖銳問題， Season就試過在早前英皇春茗，打算採訪謝霆鋒，結果對方就因趕時間拂袖而去食檸檬。
「當日打算問霆鋒新年有冇見囝囝同栢芝，但佢就早走，我追上去問佢，佢就話：『乜你咁醒知我走，不過我唔答啦！』笑住婉拒！」
俾杜汶澤寸
早前藝評獎得主賈選凝評《低俗喜劇》歧視內地人，令杜汶澤寸爆回應，再加上黄秋生在電台轟杜 cheap，引起連串風波，身為娛記的 Season在活動上見到杜汶澤，第一時間問對方回應，結果亦俾對方寸爆。
「我問杜汶澤點睇黄秋生嘅炮轟內容，點知佢笑笑口話：『冇意見！』，我再問佢會唔會唔開心？佢都係講：『冇意見！』最後條片當然出唔到啦！呢件事令我明白到做得娛樂，其實要睇藝人眉頭眼額、臨場要執生，呢啲返學邊會學到喎！」
雖然在天水圍長大，亦見過不少童黨生事，但她仍深愛這區，「其實呢度好多空間玩，怕唔怕學壞？睇自己啫！」果然識諗！
Model免問
Season（右）個子不高，只有 164cm，但勝在有雙長腿，不過她卻說：「我唔鍾意坐定定幾個鐘影相，做 model咪搞！」
《 18/22》導演睇中
Season本身只是當《 18/22》嘉賓主持，但即使面對墮胎議程仍大膽表達意見，所以被導演引薦做娛記。
基仔鼓勵
英皇春茗訪問霆鋒遭拒， Season執生立即問古巨基，娛記出身的基仔，見 Season新入行，就向她鼓勵：「你新入行㗎？要畀心機，做得唔錯，要注意唔好有冷場！」
U花 U草：
只要是各大專界的靚仔靚女，《 FACE》就會介紹給大家認識。
撰文：校園組
攝影：范仲良
形象： Bryan@the Flaming
化妝、髮型： Meegan& Rachel@Bighten Up
服裝： Berskka
留言列表
