FBI
K先生威水　帶挈阿嬌攻韓
阿嬌（鍾欣桐）同韓籍男友 Tyler Kwon（ K先生、漢名權貫一）打得火熱，前排又飛去首爾，繑實男友出席荷里活片首映，有指 Tyler有份參與呢套戲，睇嚟來頭唔嘢小。

正當大家對 Tyler好有興趣之際，上週三（ 13日）阿嬌同男友再次同場出席英皇春茗， K先生宣布同英皇會有合作計劃，仲帶埋少女時代嘅孝淵、 MissA嘅成員 Min、韓佳人等出席，非常把炮，咁仲不特止， K先生仲請到 BIGBANG隊長 G-Dragon、少女時代及 f(x)等 K-pop天王天后預錄祝賀短片，證明佢喺韓國娛樂圈真係有地位，而阿嬌更因為係 K先生女友就做晒主角，變咗全場焦點，威到爆炸！

K先生係韓國娛樂公司 Coridel嘅主席兼 CEO， FBI喺 Coridel嘅官網見到佢哋已公布同英皇嘅合作計劃，包括喺大中華地區製作及銷售韓國唱片，以及喺中國、香港、韓國及美國提供人才管理，阿嬌分分鐘喺韓國大紅喎。

似搭枱

英皇高層吳雨（左一）捉咗阿嬌（右起）、 K先生、孝淵同 missA嘅 Min上台祝酒， K先生同孝淵勁 high，但唔知點解阿嬌好似一嚿飯，當 K先生同孝淵傾偈時，佢更加似搭枱，答唔到嘴（下圖）。

阿嬌當晚威到盡，但去到排位影大合照，就要企「外檔」，大家睇吓邊個企得最埋楊生、楊太身邊咪知佢最錫邊個囉，一定係林峯同謝霆鋒啦！

孝淵着栢芝舊裙
乜孝淵條裙咁熟面口嘅？之唔係 2011年，張栢芝示範過嘅 Gucci 2011年春夏透視晚裝囉。但栢芝係真空着，點解孝淵要着多件黑色 tube喺入面呢？嘥晒！

少時叫哥哥
K-pop一班阿哥阿姐都錄片祝賀權貫一，可想而知佢幾有 face。

BIGBANG G-Dragon叫兄弟

2PM祝好運

撰文、攝影： FBI

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄