見到鏡頭，冇化妝嘅阿靚慌張到 O晒嘴，仲下意識舉起電話，遮得就遮。 

同你吟一吟

袁詠儀孭 28萬鱷魚 Hermes

張智霖由王家衞澤東過檔蕭定一公司，賣身三年代價係五千萬袋袋平安，身價衝上新高。老公撈到風生水起，靚靚袁詠儀專心湊仔，偶然返內地拍劇執一劑賺私己錢，爽爆！

上星期五（二十九日）下晝六點半，《壹》仔喺銅鑼灣開平道 Cubus見到阿靚等上樓開飯，俾一堆鏡頭 mark住，零妝嘅佢嘰呱鬼叫：「嘩，你哋咁神通廣大㗎，冇化妝唔好影啦！」呼叫無用， Cool魔嫂索性用個電話遮住塊面。
放心，八珍對你塊素顏冇乜意見，反而有興趣你孭住嗰個 Hermes Lindy，咦咦，係鱷魚皮喎，呢個款差唔多要 28萬，仲一早斷晒貨㗎啦！咁又係，老公張智霖一嘢袋五千萬，阿靚又財權在握，根本唔使郁動私己錢，貴極都係面嗰「浸」啫。

比起要 28萬至有交易嘅 Hermes Lindy，阿靚腳上嗰對 Rick Owens Geobasket Sneakers都唔過萬，粗嘢！ 

撰文︰八珍

Ads by Google