阿 Sa同老豆 Sa爸雖然唔係一齊住，但二人感情好好，近年 Sa爸亦有參與娛樂圈嘅幕後工作，但就未見佢同個女有合作喎！《壹週刊》圖片
FBI
Sa爸短期 CEO
有個明星女幾時都方便啲！好似蔡卓妍（阿 Sa）老豆蔡就勝（ Sa爸）就係一個好例子。
FBI收到風，原來 Sa爸喺 6月份加入咗林建名旗下嘅大名娛樂，仲做埋 CEO添！ FBI就梗係去恭喜吓阿 Sa啦，點知阿 Sa話佢老豆已經冇做，「係呀？佢之前係做咗一陣 CEO，不過好快冇做喇！佢話想脫離呢行喎，話好辛苦！（叫佢入英皇做照住你？）千祈唔好！咪搞！」
你睇， Sa爸可以一入公司就做 CEO，唔鍾意做又即刻唔做，有個明星女咪得咗囉！
Sa爸嘅咭片係用簡寫，寫明佢係行政總裁（ CEO），最離奇係英文名側邊括住（ Sa Ba），唔係驚人唔知佢係阿 Sa老豆呀？ 
撈咗十幾年，阿 Sa已經係娛圈小富婆，講真 Sa爸真係可以繑埋雙手等女養，仲做乜鬼 CEO吖？ 
撰文、攝影： FBI
全站熱搜
留言列表
