現在港大讀物理碩士的 Denis正忙於研究二硒化鉬的原子特性,「用途係咩都未知,有機會應用喺電子零件或者太陽能材料,完成啲數據我就畢業喇!」 

Main Camp

夢想揸高達 港大發明王:要救災救世界

要數本地大學生發明家,噏得出嘅有「星之子」陳易希,不過星之子其實前年已經畢咗業。
除咗陳易希,港大仲有個好熱血的發明達人,他是現讀港大物理系碩士 Yr.2的𧝁彥勳( Denis)(𧝁音:圈),自細已因愛發明獲獎無數,現有港大發明家美譽, Denis自信地說:「我最想整高達,又可以起樓,又可以救災,拯救世界!」《國產凌凌漆》聞西羅家英終於有對手啦!

 


𡃁仔,有啲料到!(設計對白) 

崵彥勳中小學讀名校喇沙,可惜名校只看重學生的學業和體育成績,不是運動強項的他天生愛發明,卻慘遭冷待,「我以前係田徑同游泳校隊,不過次次都做後備,之後我見自己理科成績唔錯,就開始接觸科學比賽,中五時參加「明天小小科學家」(地位等同青少年諾貝爾獎),憑住發明機械義肢,結果擊敗過萬名全中國精英奪冠。不過學校冇乜表示,仲迫我 4點就要離開學校,唔畀我做科研,我惟有將屋企變成實驗室慢慢研究。

機械義肢

一般的義肢腳要動輒萬多元,但 Denis中五時發明的義肢腳奪「明天小小科學家」冠軍,成本只需五千元,比市面上便宜一半,不過外形就較大,仍須改良。

冰火神衣

將發冷發熱的鐵片貼在神衣的不同位置,按需要變冷或變熱,達到保暖及製冷效果,最熱可到 40度,最冷則達 18度。

八達通機殼

手機發出訊號會干擾到八達通運作,所以 Denis將防干擾物料置入內殼,便可解決干擾問題,他花了約十萬研發,並製成 5,000個,推出市場發售,至今約半年只賣兩千多件。

阿媽賣樓撐仔


Denis最喜歡逛鴨寮街,「條街我好熟,可以行成日都唔悶!」 

雖然學校不重視科研範疇,但 Denis的父母就深明兒子的發明夢,曾為舞蹈表演者的禤媽媽說:「以前我哋一家住九龍塘,間屋千幾呎,之後見個市好,加上個仔要錢搞發明,我哋就大屋搬細屋,𠵱家住上環舊樓,比以前間屋細三倍,部分賣屋嘅錢畀咗阿仔,加加埋埋都 20幾萬,個仔有夢想,唔通唔支持佢咩!」
Denis的發明概念多來自生活,如睇到新聞講柬埔寨多地雷,便發明一隻低成本的義肢腳,到近期睇完電影《狂舞派》, Denis便設計一個可讓聾人感受到拍子的電動儀器,失聰亦可跳舞!

阿媽讚仔威水

要做發明家,有科學頭腦固然重要,最緊要有父母支持,訪問當日,禤媽媽主動攞埋堆剪報介紹阿仔威水史。

超齡跳 Danso

以碩士生身份跳 danso確實激罕, Denis說:「我中大嗰陣開始跳,跳咗七年喇,碩士畢業後讀埋博士,第時喺大學教書都要跳 danso,開先河!」

搞機械人大賽

不過小玩意發明得多, Denis的終極夢想是發明土炮高達救世界,「我除咗想整套 Ironman盔甲,最想可以控制高達,想整到好似《悍戰太平洋》咁大嘅機械人,到時用途可以好廣,搬嘢、起樓、修路、救災咩都得,最好就搞個國際性大型機械人比賽,好似世界盃咁比賽,我個腦入面已經係咁諗呢啲,不過價錢仲未計啊,讀埋碩士先啦!」高達擺明係終極幻想,港版 Tony Stark反而有得諗喎!

同星之子傾生意經


陳易希(左)和禤彥勳(右)都是科學猛人,二人惺惺相惜,也是英才會的會員,禤謙虛地說:「陳易希叻啲,佢有以佢命名嘅星,我都冇!」 

本地都有不少青年發明家,曾經因發明作品得獎,就會被香港新一代文化協會轄下的香港科學英才會邀請做會員, Denis就曾經係三屆主席,其會員個個猛料,連星之子都係佢會員,「我哋嘅成員都係比賽中得獎嘅學生,聚集一班科學精英,再搞交流團同分享會或者講座,同啲中學生分享吓得獎心得,我仲同陳易希傾啲發明點推出市場,交流經驗。」

Main Camp:

Main Campus簡稱,意即主校園,各大專潮人潮事當然離不開 Main Campus。


撰文:葉浩婷
攝影:何榮亮

arrow
arrow
    全站熱搜

    tvb4life 發表在 痞客邦 留言(0) 人氣()