Karena Ngck impetuous系列精鋼配純黑錶盤腕錶$1,950ck empathic系列精鋼配 PVD黑鋼吊墜耳環$650精鋼配 PVD黑鋼戒指$500all Calvin Klein watches+ jewelry 

cover face

吳千語 我好 discipline

短短三個月內,第二次為吳千語拍攝封面,真的紅了。
人紅代價高,我對號入座,認定緋聞最入肉,貪錢兼大咬,被妖魔化到幾乎要唸咒將其除之而後快;看官原不偏幫林峯,因為「好愛( 7次) BB」,劇情馬上變得曲折,忠奸分明,這就是娛樂圈生態。
面對失控流言,女主角一派自控,更形容自己骨子裡「好 discipline,做人做事爽快。」
懶理凡夫俗子唔抵得隔籬飯香。
20歲而已,名牌豪宅名車當紅小生男友, Oh! My God!會否有點太過呢?!
面對大是大非,答得再得體,心靈脆弱最「腰」心,有血有肉妙齡女郎總有迷惘吧?
女人應付情緒低落的方法, shopping囉!


Profile
 

Karena Ng
原名:吳欣容
出生日期: 1993年 10月 27日(天蠍座)
出生地:浙江
身高: 5呎 5吋
體重: 98磅
學歷:香港大學專業進修學院副學士先修課程
簡歷: 16歲,憑 Tempo紙巾廣告給黃百鳴睇中,並邀簽約。 17歲,憑《開心魔法》提名香港電影金像獎最佳新演員。
主要作品:電影《開心魔法》( 11),《八星抱喜》、《男人如衣服》( 12),《百星酒店》( 13)。電視劇《歡天喜地俏寃家》( 13)。
微博: http://weibo.com/lovekarenang 


「讀書時,出去食飯我最怕跟同學 share,自己都係啱啱好咋!當時,我連一個麥當奴餐都唔夠飽。」 

就憑此紙巾廣告的這個甜笑,千語即被黃百鳴睇中簽約。 

男方唔介意公開甜蜜合照,既幫到電影宣傳,也幫到自己人氣,這個男友認真唔話得。


生活冇咁戲劇性
 


Karena Ngck aggregate系列PVD鍍玫瑰金錶殼配銀色錶盤腕錶$2,450ck crisp系列精鋼配 PVD鍍玫瑰金及黃金多圈戒指$1,000精鋼配 PVD鍍玫瑰金及黃金多圈吊墜頸鏈$1,150all Calvin Klein watches+ jewelry 

大家也許不相信,千語忙,一放假,卻未必一定豪玩豪食東南亞,反而留港行山踩單車打羽毛球睇場戲,這是她親口說的。「放假要好好紓緩,香港細,冇乜選擇,我鍾意接觸大自然,去大嶼山去南丫島,感覺舒服,未必出埠,太攰的話,出門旅行都唔 enjoy,不如留港做啲健康活動;「呢個就係平衡生活。」
然而,每每見她都是 Hermès、 CÉ LINE、 CHANEL,跟綠色生活不搭調,甚至有點烏托邦,哪是理想?哪是現實?「好多次,我被影到行經名店門口,被寫成去購物,真係只係經過!明明陪人取戒指,寫我去買戒指準備結婚!
「我生活冇咁戲劇性,唔會成日行街。」
曾言靠自己儲錢買名牌,家中亦只三數條「見得人」裙子以備不時之需,「我著衫好簡單。」先入為主又好,粉絲護主也罷,「吳千語」三個字已跟貪錢掛勾,男友尚且明解內裡乾坤照樣愛護有加,獨自面對,又點收科呢?「冇話難唔難面對,唔好諗得太 negative。」林生教你嗎?「當自己親歷其境,自然搵到生存方式去應付。」
二人出外晚膳,她更會主動跟狗仔隊打招呼,「依家,香港人對於明星拍拖,想法開放好多,係好事。」有幾好?「係一件 positive事情,一直否認的話,壓力仲大,好似唔見得光,我寧願公開,唔使食飯都要前後腳又要扮陪朋友,太唔舒服。」


遲到要罰錢
 


Karena Ngck impulsive系列精鋼錶帶配純黑錶盤腕錶$1,700精鋼手鏈$500PVD鍍黑鋼手鏈$600精鋼長頸鏈$800PVD鍍黑鋼長頸鏈$1,150all Calvin Klein watches+ jewelry 

簽歸黃百鳴旗下,拍戲既有賀歲片包底,唔愁沒工開,最近,又嘗試電台開咪,機會接踵而至,當事人卻說,「唔希望密密麻麻工作。」反高潮?!「拍戲期間,唔想上午拍戲,下午再趕做其他工作,拍戲就拍戲,日班轉夜班,跟住有一日放假,亦唔想排工作;「我要求多點時間準備,寧願靜靜地睇劇本、做運動,準備工作。」工作規律,每日必需睡足 8小時,「一定要夠瞓,唔瞓就去工作,唔可以 100%發揮。
「我好 discipline,從來唔使別人叫我起身, 10分鐘內已可出門口。」
影響水準的,除了眼瞓,仲有肚餓,「一肚餓,我就會好情緒化。
「基本要求劇組準備午、晚餐一定要夠我食得飽,否則,感覺好差,冇 energy,謝晒!飯盒的話,最想多幾種選擇。
「我唔可以餓。」
食得是福,約她食飯,日本菜法國菜中國菜泰國菜全不挑,「我鍾意食多過 shopping,如果我請食飯,一定揀日本居酒屋,好多選擇。」為了搵食,更自訂規條,遲到每分鐘罰 100元,撥作飯局基金,「朋友試過遲到 20分鐘,罰 2000蚊,當晚食飯唔使俾錢;「我從來唔會被罰。」
捱餓又捱眼瞓,每拍一部戲,豈不也是挑戰?「意志力要好強;「入行至今,最大得着就係學識堅持。」

 

A ck pump系列 
精鋼錶殼配純黑錶盤腕錶$2,950
ck undulate系列 
精鋼圓形戒指$600
精鋼配 PVD鍍玫瑰金圓形吊墜頸鏈$1,000


Karena Ng 

 

B ck undulate系列
精鋼配 PVD鍍玫瑰金圈形耳環$800
精鋼配 PVD鍍玫瑰金戒指$750



 

C ck undulate系列 
精鋼圈形吊墜長頸鏈$750
精鋼配 PVD鍍玫瑰金圈形吊墜長頸鏈$1,000
all Calvin Klein watches+ jewelry




後記
 


Karena Ngck exceptional系列精鋼錶殼銀鏈袋錶(配黑色皮錶帶)$2,500ck return系列精鋼手鈪$800精鋼戒指$450all Calvin Klein watches+ jewelry 

訪問完, cameraman讚吳千語對答如流「答得好過港姐」。
我也有同感,吳小姐年資尚淺,已能單挑力抗群眾壓力成為當紅小生身邊伊人小鳥,她的條件,當然好過港姐。
懂得應付問題,難怪今次,經理人沒跟來,只派助手出列,一個回答問題,一個在旁不停點頭以示滿意;我估,答案真的令官方很滿意吧!


撰文:伍淑嫻 
形象: Karen Ling 
攝影: Ray Siu
化妝: Zoe Fan@http://www.zoe-fan.com 
髮型: Jo Lam& Kenki Lau@queen's PI 
服裝提供: ck Calvin Klein 
鳴謝: Calvin Klein watches+ jewelry

arrow
arrow
    全站熱搜

    tvb4life 發表在 痞客邦 留言(0) 人氣()