G-Dragon憑〈 Crooked〉奪「 Male Solo最佳舞蹈表演獎 Solo男歌手」,去到節目尾聲, G-Dragon率領 BIGBANG成員太陽、勝利及 T.O.P各自 solo,再以 BIGBANG hit歌〈 Fantastic Baby〉埋尾, high爆全場。 

真面目

G-DragonFACE 340期﹣MAMA記招 EXO興奮見前輩

G-DragonFACE 340期﹣MAMA記招 G﹣Dragon享受表演

G-Dragon港女瘋狂  MAMA慶功 P集郵  GD T.O.P引爆盛 Lady

韓國最大音樂頒獎禮 Mnet Asian Music Awards( MAMA)上星期五連續第 2年喺香港舉行,搞到本地韓迷癲晒,連日死守機場等接機,又晨早入博覽館排隊霸靚位。
一如所料,萬人迷 G-Dragon一晚奪 4獎成大贏家,出席慶功當然成為風頭蠆,女賓客都爭住搵G-Dragon GD「集郵」影合照。而 GD率領的 BIGBANG成員亦搞 high全場,引爆「盛 Lady」狂黐鍥而不捨,集郵 po上網呃「 like」! 

 


慶功 P喺尖沙咀北京道一號 Aqua舉行,全場最受歡迎當然係G-Dragon。但 G-Dragon出名斯文規矩,你睇明顯只係港女 fans主動挨實佢合照,而 G-Dragon只係微笑畀佢哋集吓郵咋。網上圖片 

太陽一向熱情勁識氹女,當晚一班港女要求同佢影相,佢唔單止來者不拒,隻手仲醒目搭實索女,女 fans唔 like爆就假。網上圖片 

當晚有份頒獎嘅千嬅亦捉實 G-Dragon集郵,睇吓 G-Dragon個樣幾調皮!之不過千嬅係人妻,所以甫士勁檢點,嘥晒!網上圖片

被集郵又點少得至高大靚仔嘅 T.O.P?呢晚一女二男 fans要求同 T.O.P影相,女 fans仲有「幸」同 T.O.P身貼身,眼神迷迷哋似乎飲大兩杯嘅 T.O.P任影,難怪相中人笑到見牙唔見眼。網上圖片 

服完兵役嘅 Rain坐私人飛機抵港勁巴閉,呢晚佢雖然只係表演冇獎攞,亦都有去慶功,港女當然唔放過機會捉實 Rain影相。網上圖片 

阿嬌前男友、少時 Jessica現任男友權寧一係 GD死檔, MAMA當晚佢除咗孖住房祖名去撐場,仲去埋慶功宴,同 BIGBANG各成員排排坐。網上圖片 

 

長達 4小時的 MAMA頒獎禮有唔少精采場面,有啲更加係電視睇唔到,唔怪得即使門票最貴要$1,880都大把韓迷撲飛啦!

懶理 Aaron

郭天王攞到 Best Asian Artist- China最佳亞洲藝人,本地傳媒大讚佢跳得唱得,但已身為巨星的 BIGBANG當然唔會理天王係乜水, 48歲城城跳到露晒肚臍都引唔到做得佢個仔嘅 GD、 T.O.P同勝利,齊齊望地下。不過 G-Dragon好醒,完騷後即同城城合照,互相欣賞咁話喎!



賢勝摸籮

由泫雅同賢勝組成的 Trouble Maker演出比上年更激,賢勝公然摸泫雅靚股,香港歌手冇乜邊個做到。

唔見一件

奪「年度最佳專輯獎」的 EXO,攞獎時 12位成員唔見咁一位,原來係 D.O.表演嗰陣唔小心扭傷腳,即時入咗醫院。


EXO互撞

騷後記者會, EXO嘅中國成員 TAO同伯賢玩批踭撞來撞去,雖然有啲低能,但二人都係得嗰 20、 21歲,低能得起嘅。

千嬅抝柴

千嬅由於腳唔夠長,成日都鍾意着鬼咁高嘅高踭鞋出騷,呢晚佢就着咗對 5吋高踭鞋去記招,一出場就差啲拗柴撻低,好彩有驚無險。


採訪、撰文、攝影:娛樂組

arrow
arrow
    全站熱搜

    tvb4life 發表在 痞客邦 留言(0) 人氣()