六合彩女神 周嘉莉 收黏液信嬲爆

■周嘉莉同許亦妮(小圖)分別收到惡作劇嘅信,搞到佢哋都好嬲。資料圖片




互聯網圖片

月底先23歲嘅六合彩女神周嘉莉同港姐許亦妮呢排非常黑,分別俾人性騷擾,周嘉莉前日返大埔亞視拆粉絲信時,發現信封內有張白紙,紙上有乾咗嘅黃色黏液,佢前日扯火喺facebook話:「真的真的非常憤怒!今日在公司收到一封信,內容是十分嘔心,還有不明的東西,這是性騷擾的行為,亦嚇倒其他女同事,希望你尊重自己,亦尊重別人。」

周嘉莉除咗主持六合彩,查實佢仲係前年嘅落選亞姐,佢噚日提起黏液信件,喺電話度話:「我當時拆信好彩冇掂到污糟嘢嗰邊,身邊同事睇到都嚇親,咁啱公關收咗工,唔可以反映。我立即掉咗佢,又去勁洗手,我都嬲㗎,希望啲人咪再惡作劇,藝人都要尊重,所以寫fb呻。」



■周嘉莉早前因六合彩出錯補鑊有功,一炮成名,估唔到竟然收到變態信(上圖)。 許亦妮自問冇得罪人

另外,許亦妮噚日亦喺微博自爆收到詆毀佢嘅私信,佢都貼咗張相出嚟洩憤,又留言話:「怎麼總有些陌生人喜歡這樣詛咒別人……這樣嚇人。」佢噚日喺電話度話:「我要公開出嚟,警戒吓呢啲人,我自問冇得罪人。」

撰文:馮仁昭

arrow
arrow
    全站熱搜

    tvb4life 發表在 痞客邦 留言(0) 人氣()