「鷹鼻」麻甩「啷厲」扮斯文
好多好姊妹同媽咪姐講，話公仔箱入面嘅「鷹鼻」又斯文又靚仔，係佢哋嘅「頭號新寵」！
Well，咁呢位當紮小生係睇得又做到戲嘅，成日做啲專業人士角色，確係幾吸引！不過事實永遠係殘酷嘅，又同大家分享兩單八卦料吖。話說有次某位記者朋友帶住攝影師，搵「鷹鼻」影相做訪問。攝影師影咗一陣，「鷹鼻」開始有啲唔耐煩，再影多幾張，「鷹鼻」直情以「唼」一聲，表達佢嘅煩躁。嘩！搞到攝影師滴晒汗。
然後另一次，有幕後工作人員喺化妝間見到「鷹鼻」揸住個包行過，然後將個食咗一半嘅包，大大力揼入垃圾桶，發出「嘭」一聲！嘩，真係九丈遠都聽到，全場矚目。跟住佢就施施然行入廠，當係無事發生一樣。嗯……公仔箱上嘅陰聲細氣、斯文倜儻呢？咪就係一場戲囉！
邊個係「鷹鼻」？ 1.上位無耐 2.高大
全站熱搜
留言列表
