媽咪姐
應采兒搞鬼媽咪
七月一日，除咗見證香港人無懼風雨爭取民主自由外，亦係陳小春同應采兒（丁丁）囝囝 Jasper誕生嘅日子。周二（ 2日），做咗人老竇嘅小春喺微博宣布一索得男，仲上載兩張佢同老婆嘅搞鬼合照。相中佢哋兩公婆齊齊擔住奶嘴，而丁丁為咗晒 40吋巨肚，刻意着上一件寫上「 Homework Sucks」嘅短身 tee，表示做功課好辛苦。未出世已經幫個仔發洩，呢位媽咪認真好火。
其實丁丁懷胎十月期間真係乜都夠膽死，臨盆前幾日俾人影到佢吸老死二手煙之外，仲自爆經常剷爆老公：「邊個搞大我個肚就邊個受！」佢又因為酒癮發作，講明唔餵人奶。睇嚟呢位媽咪第時教仔都有自己一套方法。
45歲嘅陳小春同 30歲嘅應采兒經已為人父母，但爛玩性格唔變。而應采兒父母亦唔介意齊齊搞鬼，拎埋廚具同賤熊影騎呢相。
全站熱搜
留言列表
