龍小菌話想要新手機，經理人邵子風即主動送上，仲任女方揀顏色先。你話兩人冇景轟，媽咪姐打死唔信。
媽咪姐
龍小菌晒命變捉蟲
上月底，成功減肥嘅龍小菌首次真樣示人，外形有啲似肥苟，網民仲話佢索到可以去選港姐。
龍小菌突然除罩，人氣急升，連帶經理人邵子風都紅埋。講開呢個邵子風，係人都知佢同龍小菌拍緊拖，之前仲俾人影到拖手㖭！不過佢唔想影響女友事業，惟有否認戀情。但紙又點會包得住火吖。日前龍小菌上載兩人合照到 facebook，話經理人帶咗兩部新電話，二選一俾佢揀顏色先。剩低嗰部，當然邵子風自己用啦。情侶手機都出動埋，仲話冇嘢？
其實龍小菌最初蒙面，就係希望擺脫世俗眼光，如今怕得失男粉絲而收埋戀情，似乎有違當初原意，自相矛盾喎。
除罩嘅龍小菌獲讚靚女而人氣急升，近日亦加盟補習社，成為星級導師，豬籠入水。
全站熱搜
留言列表
