自稱豬嘜被《求愛》擺上枱 Vivien控訴:呢班唔係好人

■Vivien月初還大方出席《求愛大作戰》活動,但自近日遭觀眾鬧爆後,已不再亮相相關宣傳。資料圖片

今晚播最後一集的無綫真人騷《求愛大作戰》是非多籮籮,繼日前Vivien由正面向Justin騎膊馬超重口味後,形象負面的Vivien昨爆大鑊,力數《求愛》造假!她一早認識Justin,但被無綫力阻向外透露,又稱為提高收視而做戲示愛。自認豬嘜的她哭訴遭無綫擺上枱:「呢班唔係一班好人。」

連日來《求愛大作戰》中,盛女Vivien為求爭奪Justin而出盡法寶,醜行表露無遺,大前晚一集中,她竟要求正面對住Justin騎膊馬,令下體對正男方的面龐,加上被指大話精向外聲稱自己與Justin拍拖,結果遭網民喪插!Vivien不忿被鬧爆及被一班盛男夾計玩殘,前晚主動聯絡記者為自己辯護:「我跟本冇鍾意Justin,我話父母讚佢係假,父母見完佢都反對我哋發展,佢哋班男仔我一個都唔吼,我另有男友。」為何所言跟幕前相反?她說:「我好戲囉,好多係導師鼓勵我講,接拍節目我簽咗份協議,無論點都要拍到底,我承認為交戲玩大咗,當初我係貪慕虛榮,想借呢個節目提升知名度。你哋可以寫我係豬嘜又幼稚。」



■Vivien不忿被無綫擺上枱,前晚透過微信大爆一切是個局。 「啲遊戲好變態」

Vivien直斥龍目島的遊戲令人難堪尷尬,她續說:「啲遊戲好變態、好無聊、好低俗,我只不過應承同佢(Justin)做螢幕情侶,佢哋利用咗我嘅善良,我唔介意佢哋背後講我,佢哋知道收視唔得,所以利用我繼續炒作,全程有人攻心計,我發誓我唔係咁!人在造、天在看,正因為咁我拒絕出席佢哋呢輪任何活動。」

據知,Vivien稱曾要求無綫不要出騎膊馬片段,記者昨日再致電Vivien時,她直認不諱:「係呀。我係同人生教練講,人生教練同TVB講。好彩有幾個朋友撐住我,如果唔係我一早死咗。佢哋真係太過份!」誰太過份?她說:「TVB囉。」講到當日正面騎膊馬,她解釋:「喺後面騎上去,我畏高會驚,成個人撻落嚟咪有生命危險?我話可唔可以正面爬上去好啲?起碼我可以叉住你膊頭,佢(Justin)話唔得,咁即係要我硬食,佢人品有問題。雖然我哋私底下識咗幾年,但佢唔理我感受,所以我從此好少參加佢哋個party,想遠離呢班人,呢班唔係一班好人。」她自爆一早由朋友介紹認識Justin,但無綫要求她不要向外透露。

「俾人玩咗一鑊」

Vivien忍不住飲泣:「佢哋有心玩我同Sharon,到(龍目島)第三日我真係唔想玩……我喺間房度話要退出,喊晒,佢哋話個騷會爛尾,唔知TVB會點整你,TVB啲高層好小器㗎!我覺得俾人玩咗一鑊,我諗住做螢幕情侶,點解咁認真啫?為咗營造效果,我梗係要做啲嘢㗎啦。」她指Justin曾與自己父母見面,並送上小禮物給母親。是否後悔參加節目?她說:「幾後悔,但學到嘢囉。我冇害人啫,起碼我心地善良,唔用計謀。」對於Vivien的指控,《求愛》編導岑應昨回應說:「佢情緒比較激動,佢有講過要告介紹佢參加呢個比賽嘅人。」對於節目被指造假,岑應說:「冇得假,我哋如實報道。」

採訪:比華利



■《求愛大作戰》前晚拉隊到旺角食雞煲,但Vivien與Justin均未有出現。 

■Justin不但與其他盛男夾計玩Vivien,還在前晚節目中數臭女方。

電視圖片

花招百出:五宗罪遭鬧爆 153,345 


1.姣樣盡出

Vivien於《求愛大作戰》中不斷出招,遭觀眾鬧爆,大可歸咎於五宗罪。

1.姣樣盡出

Vivien為生擒Justin而姣到出面,講明希望跟Justin於荒島共度一宵,更指會對付情敵:「唔好同我爭老公。」



2.爭床口角

Vivien與Sharon入度假屋已爭瞓靚床,惹來Whitney不滿。Vivien口說禮讓,藐人樣盡出,但又自稱視Whitney如妹妹。



3.下體對臉

在龍目島分組比賽時,Justin要以騎膊馬方式舉起Vivien看紙條,Vivien竟將敏感部位朝向Justin面。嚇得Justin大叫。

4.突然谷胸

眾女穿泳衣在沙灘作賽,Vivien突然谷胸,事業線凸現,還跟Rocky胸頂胸,但吸引度極低。Whitney亦於另一環節谷胸。



Whitney 

Vivien 

5.反面鬧爆

Justin在晚飯時質問Vivien說謊,作大指會陪其父母外遊,Vivien即大罵:「咁小事鬧成咁,佢人品同情緒病好嚴重。」

Sharon喊住向Rocky道歉 290,405 
#video_player{ width:100%; height:100%; } 
$(function(){ // Launch the Flowplayer Player.open(); }); 

■Sharon與Rocky大方攬着合照,以證冇芥蒂。

Sharon曾狂踩Rocky醜樣,又一邊力撐Vivien,另一邊竟與港男取笑Vivien,兩頭蛇舉動遭觀眾狂鬧。她前晚黐着Rocky、阿佳、「二五」Chris及編導岑應等到旺角食雞煲,Justin、Vivien、Whitney及Cyrus則未有現身。Sharon冇避忌與Rocky合照,接着90度鞠躬聲淚俱下道歉,Rocky即攬着她安慰。Sharon呼冤:「啲說話係第一次見Rocky之後錄,估唔到剪接搞成咁!」Rocky稱沒有介意。Sharon再說:「我同Rocky係朋友,搞到咁好對唔住,再道歉。」阿佳為撐Rocky亦曾與Sharon罵戰,她亦補鑊說:「可能誤會,冇針對冇心病。」至於編導岑應則否認Sharon所說,強調訪問是節目尾聲才拍攝,並強調沒有歪曲她們的意思。



■阿佳與Mandy共用一個耳機,相當親密。

現場見阿佳與「盛女」Mandy不時打情罵俏,女更叫男做BB,問到是否拍拖?阿佳說:「唔係拍拖,但係有好感、合眼緣。」阿佳又否認於節目中爆粗,只是講「咁乸痛嘅」,又謂拍節目前已和學校溝通,沒有影響教學工作。

採訪、攝影:藍文浩

逢周五隨《蘋果日報》附送嘅時尚美容雜誌《add》雖然早已派完;

拎唔到書嘅朋友,可以上番《add》嘅官網 http://add.appledaily.com睇番足本網上版,除咗有專訪外,仲有好多時裝靚嘢睇!

《求愛》Sharon約Rocky開餐

《求愛大作戰》「綠魔」導師Karl前晚與編導岑應及參賽者等飯聚睇節目。有指參賽者阿佳與《盛女愛作戰》參賽者Mandy搭上,他承認對對方有好感:「我哋唔係一齊,大家互相欣賞。」其後記者邀請兩人拍照時,Mandy竟以「BB」稱呼阿佳。



「盛女」Mandy以「BB」稱呼阿佳。

早前Sharon曾在節目批評Rocky「岩巉」,前晚兩人見面即互相跪地鞠躬,Sharon更眼泛淚光,要Rocky連番安慰。問到兩人有否不和?Sharon說:「其實係剪接問題,我私底下有同Rocky食飯,係誤會。」而Rocky直言從沒介意過。


Sharon眼濕濕要Rocky攬攬安慰。

 

 

 

arrow
arrow
    全站熱搜

    tvb4life 發表在 痞客邦 留言(0) 人氣()