出動到皮鞭，合照期間涂諾唔只隻手愈摸愈高，仲挨到好埋，好在 JC醒目，攞隻手擋一擋。
同你吟一吟
亞洲先生狼敲警鐘
當無綫開波招攬新一屆香港小姐，亞視即刻做嘢，上星期五（六月十四日） call咗幾位亞洲先生，加埋 Jessica C.，一齊宣傳《 ATV2013亞洲先生競選》。
今年大會口號係「炫帥」，為搞搞新意思，亞視會公開邀請 100位男士加 100位女士做評判，選出亞洲先生。
引用亞視執行董事盛品儒經典名句，眾所周知「亞生」出名玩騎呢，呢日大會以一貫作風，安排咗狼牙棒、皮鞭、弓箭等武器，叫「亞生」攞上手「炫帥」，由 JC做評判，睇吓邊個最帥。
六位「亞生」谷盡胸肌，偏偏評判 JC收起 36D警鐘胸，只係露條腰出嚟。雖然冇晒視覺效果，不過涂諾同埋有「山寨版杜德偉」之稱嘅黃集鋒，兩個都忍唔住手多多摸住 JC條腰，涂諾隻手仲愈摸愈高，班「亞生」咁猴擒，好在 JC夠醒目，收埋對警鐘咋。
手執桃木劍嘅黃集鋒夠晒狼，一手攬埋身， JC想縮都縮唔切。 
Come on!baby!（設計對白） 
去年亞洲先生冠軍朱曉輝，係六位「亞生」中最規矩，表現最認真一個，雖然玩雙節棍失手跌落地，但依然係 JC眼中最「炫帥」嘅亞洲先生。
話明騎呢，安排王凱拉弓箭，唔算過分，你睇吓林睿支狼牙棒，連佢都皺晒眉頭。 
撰文︰八珍
全站熱搜
留言列表
