錄《勁歌金曲》都有 Paco傍實，記者讚薛一姐為咗撐師妹劈炮唔做《公益金》夠義氣，佢當堂笑晒撥髮好受落。
同你吟一吟
薛凱琪姣風騷
先排有傳太陽娛樂旗下新人雷琛瑜，遭無綫臨時飛出《萬眾同心公益金》演出，身為太陽一姐嘅薛凱琪，為咗撐師妹，亦辭演《公益金》，據聞因為咁而得罪無綫。
點知事隔唔夠一個月，上個禮拜四（六月十三日）晚薛一姐已經獲解封，有份亮相《勁歌金曲》，公司高層 Paco黃柏高仲孖住一姐嚟錄影。
對於不和是非，薛一姐話：「今晚節目講音樂，是非話題唔講，如果有事就唔會同 Paco一齊嚟啦！」極速破冰，八珍相信 Paco背後功不可沒，難怪薛凱琪講到自己可以再行入無綫大門口，風騷到拗腰撥髮騷勝利笑容。
全站熱搜
留言列表
