攞住 Celine手袋嘅羅霖，見到眼前批新貨，睇到兩眼發光。
同你吟一吟
羅霖洗腳唔抹腳
今個月會正式完成晒所有離婚手續嘅羅霖，卸下劉太包袱，有指佢富貴不再，除咗由西半山慧苑搬去深井屋苑，出入唔再有司機，要做遞手黨搭的士。
由天堂打番落凡間，但羅霖依然有本事 keep得住富貴生活，早排《壹》仔响置地撞見佢單拖行街 shopping，隻手已經攞住一大一小 Burberry戰利品，之後仲要行入 Celine睇手袋。
有客到，職員先幫羅霖收起兩袋 Burberry，等佢可以舒舒服服慢慢睇，之後再攞 catalog介紹新款衫褲鞋袋，招呼周到。
八珍聽二五講，平日羅霖出席活動，只係收三兩萬酬金，若果一個月有三五七單 job，收入聽落唔錯，但以佢嘅名牌支出，就算前夫劉坤銘俾多多贍養費，都唔夠羅霖使。
全站熱搜
留言列表
