阿根廷SJ於 4月，開拓 K-pop南美巡演之路，獲得空前成功，難怪韓國傳媒認為 SJ係無所不能。右起：厲旭、神童、圭賢、始源、強仁、東海、赫在、晟敏
亞熱帶
攻陷南美 粉絲聯署加場 SJ 6月襲港
近年韓國 K-pop潮流席捲全球，如果話呢股韓潮由勁爆人氣組合 Superjunior帶起，肯定冇人會 say no。
09年， SJ第一隊衝出韓國作亞洲巡演， 11及 12年遠征法國美國。今年 SJ更重炮出擊， 8個成員，包括強仁、赫在、東海、始源、晟敏、神童、厲旭同圭賢，喺 4月強攻巴西、秘魯、阿根廷及智利等南美國家。除咗令南美粉絲陷於瘋狂外，亦成為世界新聞。 SJ 6月又出動，先喺 1及 2號去印尼， 16號再直搗香港。
香港粉絲等足 4年仲要聯署經理人公司交涉， SJ才得來港巡演，今回肯定仲激動過南美粉絲。
粉絲激動到喊
巴西於巴西站，圭賢粉絲送球衣，佢好識做，即時着上，好識冧粉絲喎！ 
秘魯第二站喺秘魯首都利馬容納萬多人嘅體育館演唱，全場 high爆。
為霸頭位，智利歌迷不惜瞓街。 
南美場演唱會完畢，返抵韓國仁川機場時，成員特意扮成「復仇者聯盟」角色出現，惹得接機粉絲𠵱嘩鬼叫。 
SJ舊年 11月出席韓國 Mnet喺香港舉辦嘅「 MAMA頒獎禮」，除咗成為獲獎大贏家外，更係當晚全場粉絲最多嘅一隊。
鍾意搞鬼扮嘢
SJ之所以咁勁，靚仔同實力係基本，最主要係佢哋親民之餘更玩得。佢哋每次巡演，都會搵個主題扮鬼扮馬，玩到可以唔顧偶像形象。
SJ成員瓣數多多，其中崔始源早前就嚟過香港拍攝「 LINE」廣告。 
唱功了得嘅圭賢，最近亦成為訪談節目《 Radio Star》及綜藝節目《 MAMA Mia》主持。 
09年，強仁出事後，由經紀人拖走。
8人撐起 SJ
全站熱搜
留言列表
