媽咪姐
星爺阿爸孤獨慢遊
同樣都係星爸，但唔係個個都有乖仔有孫女陪㗎！早兩日，媽咪姐喺跑馬地真係見到「星爸」，星爺周星馳嘅爸爸呀！同星媽離婚多年嘅佢，一支公揸住枝枴杖，喺街市附近「慢遊」。星爸雖然家住星級地區跑馬地，不過呢日佢目光呆滯，冇乜表情，似乎唔知自己想去邊。經過有減價嘅服裝店又停低望吓，最後遊咗半粒鐘，都係返咗屋企。
下個月就父親節嘞，媽咪姐梗係望家家團圓，一日都好啦。唔知星爺又點睇呢？
星爸今年八十有六，雖然行得慢，但步步有力，而且佢衣着都有別一般「阿伯」，顏色配搭仲好有朝氣。 
星爸啲 taste仲好 in吓，睇衫都揀啲潮舖睇。
全站熱搜
留言列表
