當日劉爸爸同其他茶客好鬼好傾，講孫女啲得意嘢都講咗成半粒鐘。劉媽媽就陪坐撩吓牙，俾老公威威！ 

媽咪姐

劉華爸媽酒樓「晒孫」

劉德華有花名你叫做「牛華」，即係話好似隻牛咁勤力。咁努力搵錢，無非都係想屋企人生活好啲。最近就有傳佢豪掟 2億買私人飛機，方便帶老婆朱麗倩同囡囡劉向蕙遊埠。又每月用 17萬租高設防豪宅，仲請保鑣團，保護兩母女。所以呢，住慣加多利山、唔願搬嘅劉華爸媽唔係成日見到粒乖孫！不過佢哋都好識自己搵節目，唔會悶親自己。早幾日，兩老一早就喺何文田酒樓同啲老友記嘆早茶，成枱人加埋幾百歲，依然有講有笑，活力充沛！媽咪姐仲聽到劉爸爸不時提及孫女劉向蕙，勁讚佢精靈，老人家果然最鍾意「晒孫」。

 

 



今個月初，囡囡一歲生日，牛華擺咗個粉紅蛋糕上網， sweet到呢。 

以前劉爸爸去飲茶，一味掛住睇報紙。點似依家有孫女晒咁 happy！

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄