$106（大中小同價） 

寵物家

狗帶巡禮

狗帶好唔好，唔止講靚唔靚，更重要是能否耐用，不會弄傷狗仔。現時市面上的狗帶愈出愈多，有鑲水晶、配閃石、皮革製、毛毛質地等等，花多眼亂。今次邀請著名馴犬師 Ray，從美觀度、耐用度、柔軟度三方面作出評價，睇吓點揀至醒！

Doglala漆皮及布製頸帶

頸帶車線位收邊精細，摸上手夠柔軟。另配拖帶長度達 110cm，完美收服無時停的西施囡囡。 

中國製的新進品牌，只供出口歐美等地，內地無銷售點。狗牌邊位有鈍邊設計，免刮損狗仔。

長度：（小） 20cm-24.5cm/（中） 25cm-29.5cm/（大） 29.5cm-33cm
優點：質料及手工俱佳，價錢相宜。
缺點：售賣點少。
美觀度：★★★
耐用度：★★★★
柔軟度：★★★★★
（寵物之達人/ 2499 2299）

Hunter水晶頸帶

德國名牌狗帶，分鹿皮、牛皮和人造皮三種，大多鑲有施華洛世奇水晶作配飾。所用皮革、顏料均經安全測試，以不損傷寵物為前提。

長度： 22.5cm-26.5cm
優點：動物皮革韌度佳，耐用性高。
缺點：價錢貴。
美觀度：★★★★
耐用度：★★★★★
柔軟度：★★★★
（ Dog One Life/ 3105 5550）

上：人造皮$330/中：鹿皮$1,071/下：牛皮$879 

名牌子兼具美觀與實用，連裝飾用的施華洛世奇水晶也細心地鑲嵌入皮帶內，不易掉落，免被狗仔誤吞。 

Honey Pet閃石頸帶

香港製作，人手添加閃石。玩味性重，但質料不夠柔軟。若閃石掉落，可能被狗仔誤吞。

長度： 15cm-22cm
優點：夠搶鏡。
缺點：閃石太大，易刮親狗仔皮膚。
美觀度：★★★★★
耐用度：★★
柔軟度：★★
（寵物之達人/ 2499 2299）

$88 

一歲半的貴婦小花戴上後左閃右避，有可能係頸帶唔夠柔軟，或者被大顆閃石「哽」住唔舒服。 

PETinum毛毛頸帶

開 party最啱，但要注意有些狗仔對毛毛敏感。

長度： 15cm-30cm
優點：有染毛效果。
缺點：長時間佩戴會阻礙狗仔搔癢或清潔毛髮。
美觀度：★★★★
耐用度：★
柔軟度：★★★
（ fanspet/ 3488 4572）

$204 

蝴蝶犬戴上後擺晒 pose，好舒服咁。不過馴犬師 Ray話，毛毛頸帶易斷，不宜帶出街用。 

ABBY衫形胸帶

最新式的衫形設計胸帶，日本相當流行。最啱跳跳扎小狗，既不用擔心被頸帶勒親，又有套衫多重保護。

長度：適合小型犬
優點：承托力較全面。
缺點：只有小型犬 size、夏天穿太熱。
美觀度：★★★★
耐用度：★★★
柔軟度：★★★★
（寵物之達人/ 2499 2299）

$288（連拖帶） 

貴婦囡囡美美著咗衫形胸帶後變身小天使，貼身設計方便帶出街散步。 

有兩隻手指空位

馴犬師 Ray 

狗帶分頸帶、拖帶及胸帶三種，頸帶套在狗頸上，另扣上拖帶方便主人牽狗。胸帶以網狀繩帶套落狗胸上，最啱細狗用。馴犬師 Ray指，新手主人應先在家為狗仔套用頸帶，待牠適應後才扣上拖帶，試試在家拖狗散步。至於揀狗帶，關鍵是柔軟耐用，不傷皮膚，不易被扯斷。為狗仔戴頸帶後，要伸得入兩隻手指，闊度才算合適。

勿用止吠帶

獸醫 Dr. Sharon獸醫表示，扁鼻狗（如八哥、北京狗）天生氣管狹窄，用頸帶會令牠們更難於呼吸，主人宜選用胸帶。 

獸醫 Dr. Sharon表示，揀狗帶最重要視乎韌度及舒適度。「閃石或毛毛，只是觀賞性配件，實際上可能會令狗仔敏感或受損傷。」反而狗帶易斷，狗仔或會走失，甚至衝出馬路。她提醒狗主切勿貪圖方便而使用帶電擊作用的止吠帶，「我處理過不少個案，即使電到狗仔皮膚潰瘍，也無助改善吠叫問題。」曾有新聞報導，體質孱弱的狗仔，承受不住電擊而引致心臟病發猝死；身為主人，請以教狗為己任。

壹寵物信箱

貓貓狂甩毛、狗狗吠不停，唔知點算好？請教專家啦！
將問題電郵至 mailto:nextpet@nextmedia.com，標題請註明「壹寵物信箱」，我們將邀請專家為你一一解答！

撰文：鄭鳳
攝影：梁炳權