阿姐出招睇住佢哋拍拖，再睇住佢哋分手，「奶奶」汪阿姐知道排位出咗事，專登埋去同大家傾兩句，緩和一吓黃宗澤同胡杏兒嘅尷尬氣氛！
同你吟一吟
無綫世界盃玩謝老中青
雖然人多，但最紅嗰班陳豪林峯法拉茵媺嘉穎嘉欣個個冇影，要撐起個場，綠葉二打六都要到，包括早年已經行動不便、年底就七十六歲嘅夏萍姐。
又要玩人浪，又要嗌口號，擔定張摺櫈放側邊嘅夏萍姐，最終頂唔順，由林曉峰扶佢走人，而體重有二百幾磅嘅秦煌，同樣辛苦到要挨埋一邊透大氣。
難為班綠葉，無綫更加大整蠱，安排過氣情人胡杏兒、黃宗澤排排企拍宣傳片，仲要攝多個疑似第三者徐子珊响側邊。分手擺明做唔番朋友，兩個企埋一齊全程零交流，笑吓點頭打招呼都冇，後來「奶奶」汪阿姐行近望一望佢哋，黃宗澤同胡杏兒先有番啲啲笑容。
三角錯盛傳黃宗澤因為衰偷食，胡杏兒決定斬纜，而偷食名單中就有徐子珊，呢張三角錯合照，好難再有機會影得番。 
難為綠葉有陸永照顧住嘅夏萍姐，拍咗幾 take宣傳片終於頂唔順，由林曉峰扶住走人，秦煌就趁呢段時間，挨埋一邊閉目休息。 
大懵爸爸吳啟華帶埋六歲囡囡熙兒返公司拍宣傳片，阿女要尿尿，居然帶佢入男廁，之後又冇幫個女整好條裙，成條白色底褲仔見晒，要記者提水個老豆先知！ 
撰文︰八珍
全站熱搜
留言列表
