我嫁人啦！（設計對白）新娘跟老公許建邦在交換戒指後，好識搞氣氛，鬼馬地連叫兩次，引來全場起哄。 

社交圈

稀客

香港有班名人富豪，平時少有現身 ball場，上個禮拜田二少嫁女兼有巴塞爾藝術展，先吸引到佢哋出山咋。

田北辰　夜晚冇人陪

G2000老闆兼新民黨副主席田北辰，上週六首次辦喜事，新娘是他最錫的三女兒田植鏘。雖則田二少話婚禮全程都無流男兒淚，但就感慨以後深夜時分無人陪，「我三、四點都睇緊文件，佢仲遲瞓過我，大家會喺廚房搵嘢食打牙骹，以後夜深人靜得番我，呢個女同我經歷好多，又肯陪我跳降傘；她要求高，搵到個轉數快又人品好的女婿，我好安心。」



婚禮在黃雨中的聖約翰座堂舉行，但人逢喜事精神爽，雖然田二少與女兒都略有濕身，但依然咁好笑容。 

簽字一刻好莊嚴，但呢個新外父禁不住雀躍心情，一邊簽一邊整蠱做怪。

郭顥澧　專人服侍

 

 

 


霍啟剛　認做老豆

有傳郭晶晶有咗，當日有份做兄弟的霍啟剛明知風頭火勢，亦帶埋愛妻到場，記者連珠炮發恭喜他們，霍啟剛笑住答：「今日恭喜田生嘛！」記者追問幾多個月？「不如咁講，我哋接受你哋恭喜。」晶晶亦羞澀地說︰「開心。」

李澤楷　呵住走


呵！呵！呵！（真實對白） 

田二少嫁女，連小小超李澤楷都出席，問幾時輪到佢結婚？小小超即低頭㩒手機，以「呵！呵！呵！」作回應，再問佢囝囝會否回港過父親節？有無同梁洛施見面？小小超又照樣「呵！呵！呵！」，最後佢嫌記者太煩，冒雨離開教堂搵司機。

鄧文迪　搵朋友過橋

傳媒大亨梅鐸的妻子鄧文迪，上週四罕有出席《芭莎藝術之夜》在四季酒店舉行的晚宴，不過記者叫佢傾計，她即笑笑口話：「我要搵朋友。」最後當然借朋友遁，一去無回頭。

馬英九女兒　走番轉頭

卅二歲的台灣總統馬英九長女馬唯中，與在香港摩根大通任職的台籍靚仔老公蔡沛然結婚後，一直低調住在香港半山。在紐約大學取得 Museum Studies碩士學位的她，上週三和老公出席巴塞爾藝術展派對，一見記者影相，蔡沛然即箍住太太掉頭走（圓圖），見避無可避，又掉頭走番入場，逗留十分鐘鬆人。




撰文、攝影：名人組

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄