o靚妹再谷海岸線 李詩韻自揭鼻是非

■另一女主角陳茵媺放假,要靠李詩韻嘅大跌膊增加宣傳之效。攝影:黃曉妍


無綫劇集《情越海岸線》收視幾理想,前晚嗰集收視仲高達30點(約193萬觀眾)。噚日李詩韻、朱璇、李綺雯(o靚妹)同劉俐成班演員,去咗西貢嘅海鮮酒家玩捉魚蝦蟹遊戲,因為天氣好熱,李詩韻着晒短褲、闊領衫,大晒香肩,加埋着背心嘅朱璇同吊帶衫嘅o靚妹,令活動充滿生氣,唯一冇厘神氣嘅係是非纏身嘅劉俐,啱啱又俾人話佢啪藥入院。

劉俐經痛入院

劉俐解釋話:「我冇事,係因為經期比較氣虛,講嘢冇乜力,又好易有腸胃炎,今次係腸胃炎加經痛再加胃痛,朋友叫我入院。」但講到你自殺咁喎?劉俐話:「記者都冇問我,我只係食胃藥同止痛藥,食兩粒唔好再食多粒,咁講我唔開心,怕影響屋企人,好在佢哋對我百分百信任、支持。」劉俐話會保留法律追究權利,不過始終想息事寧人。



■李詩韻以前打波時撞到鼻骨有折,佢話怕會變樣唔敢整容。 

■李詩韻玩遊戲贏咗,得到黃浩然獻吻,真係輸咗好過咯! 

■(左起)李綺雯、姚子羚、朱璇同劉俐都換上吊帶裙、吊帶背心同短褲仔,令活動充滿生氣。

女主角李詩韻同樣惹是非,俾人話佢整過個鼻,詩韻話:「啲舊相係年幾、兩年前,話我整個旺夫鼻,我同屋企人個鼻都高,以前打籃球食過波餅,鼻樑有折,呢啲新聞當宣傳啦!」詩韻又話唔抗拒整容,承認自己個樣有缺憾,但怕整錯咗返唔到轉頭,所以唔會諗。

另外,曾同小說家亦舒拍過拖嘅岳華,被問到亦舒唔認親生仔時話:「我哋一齊好短時間,唔知佢嘅事,只係早年喺加拿大商場碰見過,成40年冇見。」岳華話記者知亦舒嘅嘢比佢多,人哋嘅家事由得佢自己處理。

版主:陳基征

劉俐冇mood祝捷擬 法律求清白

新劇《情越海岸線》收視報捷,撼贏重頭劇《金枝慾孽貳》成條街,昨日該劇一眾演員在西貢宣傳兼祝捷贈興!日前被本報拍到疑自殺現身醫院的劉俐,澄清只是經期氣虛,更說心情受到指她到澳門接客的報道影響,不排除會訴諸法律。而被指整「間尺旺夫鼻」的李詩韻,同樣否認報道,自言家族遺傳人人有個高鼻。



劉俐大鬧造謠者,更考慮採取法律行動。

重頭劇《金枝慾孽貳》收視不濟,結局在即仍只得20點收視,反而《情越海岸線》收視報捷,上星期平均收視26點,最高收視28點;前晚播出的一集最高收視更達30點,撼贏《金枝貳》成條街!劇中演員李詩韻、黃浩然、劉俐、朱璇、李綺雯及岳華等昨日在西貢大搞宣傳兼祝捷贈興。

經期到氣虛

「藍莓」劉俐更成為焦點,因日前本報拍得她精神不濟現身醫院,疑似因被指她到澳門接客的報道而情緒困擾自殺。面部仍見浮腫的藍莓澄清自己只是經期氣虛,並非濫藥自殺,坦言被「陪老細」的報道影響心情,她說:「有唔開心,報道好負面,唔想屋企人擔心。(訴諸法律?)會同律師商討出聲明,唔排除會告佢哋!」


收視撼贏重頭劇《金枝貳》,《情越海岸線》一眾演員昨日高調慶功。

黃浩然錫啖李詩韻贈興。

左起:朱璇、姚子羚及李綺雯鬥騷美腿。

之後劉俐又在微博大鬧造謠者:「甚麼叫愈描愈黑總算見過了!……解釋了呢又說你掩飾造謠生事!反正說了也等於沒說那我說來幹嘛!」非常矛盾。

李詩韻鼻高

同場的李詩韻亦爆出整容傳聞,指她由扁鼻整到間尺旺夫鼻,她否認之餘更強調家族遺傳個個鼻高,又自爆近日不斷被記者追訪,她說:「跟咗我好耐,不過我都係去吓張嘉兒屋企。(你哋都同鄧健泓拍過拖?)我可以代佢講佢冇同鄧健泓拍拖。」此外,曾與作家亦舒拍拖的岳華對其拒認親生子一事,表示不清楚內情,表示雙方已沒有聯絡,對方是否絕情,始終是別人家事,不予置評。

文:影視組

arrow
arrow
    全站熱搜

    tvb4life 發表在 痞客邦 留言(0) 人氣()