| 林漪娸嫩男埋身 |
早排無線兩套黃金時段劇集收視慘淡，真係無人估到祥仔和雯女孭飛嘅劇更會畀人喪鬧。收視險勝嘅處境劇《愛．回家》，無視帝視后撐場之餘，只得林漪娸、劉丹等人，都有廿幾點收視。
日前林漪娸同兩名嫩男現身銅鑼灣等親友食飯，當時佢哋傾得非常之高興，手舞足蹈，成為商場亮點，有途人都認得漪娸姐，可惜講唔出佢個名，說：「係咪成日做人阿媽個女人！」東姑翻查資料，林漪娸當年係憑參選1980年嘅港姐而入行，一直活躍電視圈至今，仲因拍過好多處境喜劇，故有「處境劇女王」之稱。
林漪娸同兩位男親友，在商場企足五分鐘喪傾。
林漪娸對住這位嫩男雞啄唔斷，十足阿媽教仔。
兩個又拉拉扯扯，表現熟絡。
全站熱搜
留言列表
