台灣記招上議員話《關公》條片有唔少鏡頭凸顯解放軍軍威，並出現「忠黨愛國」、「中國的人權是最好的」等文字，好斷章取義喎！ 

U Spy

《關公》 cult片離奇變挺共

前年由理大數碼媒體系學生拍嘅《關公大戰外星人》 cult片，當時攞咗獨立短片比賽鮮浪潮最佳創意獎，導演梁仲文（阿文，小圖）上年仲拎條片去參加台北國際數位內容設計競賽，成功打敗來自比利時、英國嘅對手，贏咗數位動態影像創作獎創作組金獎，諗住揚威海外爽爆，點知月初竟然俾台灣民進黨議員翻舊賬狂插話條《關公》片挺中共！

Spy八到原來位台灣議員唔滿意阿文條片有中國解放軍同五星旗出現，好似畀機會中國宣揚軍威，又唔滿意得獎者多數來自外地，話對本土創作（電影業）冇幫助，阿文見到個批評都 O晒嘴伸寃：「條片明明係踩緊共產黨，所以我加上五星旗及市民擋坦克片段，咁都話我挺共，同埋啲人話我拎咗 150萬獎金，但其實嗰個只係獎金總數，我只係得 10萬新台幣，兌番港紙得 3萬蚊！」台灣議員無厘頭，阿文笑吓算喇！

《關公大戰外星人》係講香港遭外星人入侵，而機械雷鋒同外星人交戰，不過雷鋒成日失靈，唔明點解會話挺共囉。 

導演阿文 

U Spy：

校園至爆猛料， U Spy一定睇實。

撰文： U Spy