《 Smile》講一對情侶要分隔兩地，導演家俊（小圖）話：「身邊有好幾個朋友都係 long distance，比普通情侶有更多難關要過，所以最後個 happy ending就係對佢哋嘅祝福！」 

U Spy

激過「峯語」　樹仁拖友連環咀

林峯同千語 BB日日喺報紙晒恩愛，最近樹仁都出現咗一對超 sweet情侶，兩人喺校內甜蜜拍拖不特止，最近仲成為新聞系學生畢業作品嘅微電影《 Smile》男女主角，兩位情侶喺短短四分鐘內已經咀足 5次，條短片 upload上 fb 10幾日有成 2萬 5個 like！

Spy八到呢對癡纏情侶身份，女主角叫張嘉怡（ Kawaii），貌似唐詩詠係新聞系花，一向有唔少兵仔，而男仔叫葉柏麟（ Alvis）更係名校喇沙畢業，兩人都係樹仁新聞系 yr.1同學，佢哋拍咗拖 4個月已經煙韌到全校都知。《 Smile》導演區家俊就同 Spy講：「佢哋平日喺學校都好恩愛，一齊返學放學之餘，仲會盡量夾對方時間表揀科。」
導演仲話，拍嗰陣都唔使特別教點做，由佢哋自由發揮，咀嘴都係一 take過，問到呢對樹仁千語 BB同峯峯會唔會再幫其他同學拍片，兩個仲異口同聲話：「要情侶檔先肯拍！」連體嬰到林峯都要畀 like啦！

機場激咀

雖然只係學生拍嘅短片，但家俊一啲都唔馬虎，又去機場、石澳取景，「佢兩個勁投入，喺機場錫都冇話驚尷尬， sweet到爆！」

樹仁唐詩詠

Kawaii靚女，有人話佢似唐詩詠，不過 Kawaii謙虛唔認， Alvis忍唔住幫口：「扮咩呀﹐大把人咁講！」

喇沙 mc王

咪睇中學時期嘅 Alvis（右）傻更更，原來佢係喇沙 mc王，做過校內 singcon之外，仲喺九龍學生聯會才藝比賽做 mc，唔怪得上鏡咁淡定啦！

U Spy：

校園至爆猛料， U Spy一定睇實。

撰文： U Spy